Bola puli ololmayapman, kimga murojaat qilsam bo‘ladi?
@Yurist_Xizmati 4544-savol:
Savolim shundan iboratki men 23 fevral 2024 yil bola nafaqasi uchun xujjat topshirgandim bu oy ham chiqmapti mahalla raisi oldiga borasam biz xujatingizni topshirganmiz nima sababdan chiqmaganini bilmayman dedi rais aytgan tashkilotga bordim ular xujjat topshirmagan bizga deyishti raisni oldiga qaytib bordim qaytarilgan xujjatlarni tekshirdi ular orasida xujjatning yane delaning Uzi bor ichidagi ma'lumotlarim pasport nusxalari yuq edi rais qaytadan xujjat topshiring dedi shunda men 3 oyga bola nafaqasi ololmayman bu qanchalik to‘g‘ri men qanday chora kura olaman.
YURIST JAVOBI:
❗️Bu vaziyatda siz tuman adliya organiga MFY raisining harakatlari ustidan shikoyat qilishingiz loizm.
Qarang! Vazirlar Mahkamasining 2021-yil 21-oktabrdagi 654-son qaroriga 1-ilova bilan tasdiqlangan nizom 16-bandiga ko‘ra fuqarolarning o‘zini o‘zi boshqarish organi arizada ko‘rsatilgan ariza beruvchi va uning oila a’zolari tarkibini hamda ular arizada ko‘rsatilgan manzil bo‘yicha yashayotganligini ariza berilgan sanadan boshlab ikki ish kuni mobaynida, biroq bolalar nafaqasi yoki moddiy yordam olishni istayotgan oydan oldingi oyning 18-sanasiga qadar o‘rganib chiqadi.
☝️Yuqoridagi qoidaga ko‘ra siz ariza berganingizdan keyin 2 ish kuni mobaynida arizangiz MFY tomonidan ko‘rib chiqilishi kerak.
Bunda oilani kam ta’minlangan deb e’tirof etish va unga bolalar nafaqasi yoki moddiy yordam tayinlash to‘g‘risida qabul qilingan arizalar Pensiya jamg‘armasi bo‘limining mas’ul xodimlari tomonidan har kuni, biroq ariza berilgan oyning 26-sanasiga qadar «Yagona reyestr» ATga kiritiladi (17-band).
❗️Shunga ko‘ra siz 23 fevralda ariza bergan bo‘lsangiz, bu ariza 26 mart kuniga qadar ko‘rib chiqilib, sizga bola puli to‘lanishi yoki rad qilinishi haqida qaror chiqarilishi kerak edi.
