108 ko'rilgan
❗️ Yaxshi o‘zlashtirishga xalaqit beradigan yomon odatlarni bilasizmi?

Ularni topib jamlashga harakat qildik. Ko‘ring, agar sizda qaysidirlari bo‘lsa, ularni tuzatishga harakat qilishingiz mumkin.

Chalg‘itadigan narsalarning bo‘lishi. Telefonni hadeb tekshirib ko‘rish, televizorni bir yoqib ko‘rish kabi odatlar o‘qishga xalaqit beradi.

 Kechiktirish. O‘zlashtirish uchun zarur ma’lumotlarni keyinroq o‘rganarman deb qoldirib qo‘yish va oz qolganda ularning hammasini o‘zlashtirib olaman deb o‘ylash. Buning imkoni kamligini, bo‘lsa ham, samaradorlikka ta’sir qilishini bilamiz.

⌛️Vaqtni taqsimlashga e’tibor qaratmaslik. Qaysi payt nimani o‘rganish, unga qancha vaqt ajratishni to‘g‘ri rejalashtirmaslik betartiblikka, betartiblik esa yaxshi o‘qiy olmaslikka sabab bo‘lishi mumkin.

 Juda tez o‘qish. Matnlarni o‘qiyotganda o‘qish tezligini haddan oshirib yuborish eslab qolish va ma’noni tushunishga xalaqit berishi mumkin.

 Murakkab bo'limlarni o‘zlashtirishdan qochish. Qaysidir mavzu sizga qiyinlik qilsa, uni tashlab ketish osonrog‘ini o‘qish yechim emas. Bu umumuy fanni tushunmay qolishga, imtihon vaqtida shu mavzudan tushadigan savollarni yecha olmay qolishga sabab bo‘lishi mumkin.
Bu mavzu Turli maslahatlar bo'limida 24 Iyun da maqola yozgan. | 108 ko'rilgan

O'xshash maqolalar bilan tanishing