Xodim 6 oydan buyon mehnatga qobilyatsizlik davrida bo‘lsa bu xodimga ta’til berilishi qanday bo‘ladi?
Mehnatga layoqatsizlik varaqalarini berish tartibi to‘g‘risidagi yo‘riqnomaning 22-bandiga asosan quyidagi hollarda bemor tegishli tibbiy-ijtimoiy ekspert komissiyasiga (keyinchalik matnda TIEK deb yuritiladi) yuboriladi:
aynan bir kasallik bo‘yicha vaqtincha mehnatga layoqatsizlik davri uzluksiz to‘rt oyni tashkil qilsa,
aynan bir kasallik bo‘yicha vaqtincha mehnatga layoqatsizlik davri tanaffus bilan o‘n ikki oy mobaynida jami olti oyni tashkil qilsa,
sil kasalligi birinchi marta aniqlanganda vaqtincha mehnatga layoqatsizlik davri kasallik aniqlangan kundan boshlab kamida o‘n oyni tashkil qilsa;
silga qarshi kurashish muassasasida hisobda turgan bemorda asosiy kasallik kuchaygan — vaqtincha mehnatga layoqatsizlik boshlangandan keyin mehnatga layoqatsizlik davri kamida olti oyni tashkil qilsa.
Yuqorida qisqacha mehnatga qobilyatsizlik davri haqida ma’lumot berib o‘tdik. Endi asosiy masalaga qaytsak, 6 oydan buyon mehnatga layoqatsizlik davrida bo‘lgan odamning kasallik davri mehnat stajiga o‘tadimi degan o‘rinli savol tug‘iladi. Mehnat kodeksining 226-moddasida xodim haqiqatda ishlamagan, lekin mehnat to‘g‘risidagi qonunchilikka va mehnat haqidagi boshqa huquqiy hujjatlarga, mehnat shartnomasiga muvofiq uning ish o‘rni (lavozimi) saqlangan vaqt, ta’til olish huquqini beruvchi ish stajiga kirishi belgilangan. Ya’ni xodimning mehnatga layoqatsizlik davrida xodim bilan mehnat shartnomasi bekor bo‘lmagan, uning ish joyi saqlangan shu sababli bu 6 oylik davri ish stajiga kiradi
