O‘zimni o‘zim band qilgan holda 2020 yildan buyon ish stajiga ega bo‘lish uchun ijtimoiy soliq to‘lab kelyapman. Mening ish haqim qanday hisoblanadi?
Bugungi kunda fuqarolar o‘zini o‘zi band qilgan holda bazaviy hisoblash miqdorida yiliga bir marotaba ijtimoiy soliq to‘lash orqali 1 yillik ish stajiga ega bo‘lishlari imkoniyati yaratilgan.
☝️ Bunda, band bo‘lgan shaxsning ish haqi miqdori 2020 yil 1 yanvardan keyingi davr uchun Soliq kodeksining 405-moddasiga asosan — ijtimoiy soliq summasini to‘lash davrida amalda bo‘lgan ijtimoiy soliq stavkasiga bo‘lish hamda olingan natijani 100 ga ko‘paytirish yo‘li bilan aniqlanadi.
