Do‘konim snosga tushdi, biroq hokim pulimni bermayapti. Nima qilsam bo‘ladi?
@Yurist_Xizmati 4438-savol:
Shahar xokimi yol uchun buzilishga tushgan dokonimga qonuniy ravishda pul otkazishga tosqinlik qilmoqda meni mulkim talon toroj bolayapti partalga 4 marotaba murojat qildim foydasi bolmadi Shahar xokimi pul tolanishiga bahonalar qilayapti Zizzax shahar xokimi kimga murojat qilay, yordam bering dokonim yolni ustida latokning ustiga chiqib ketgan. Partalga 4 marotaba ariza berganman faqat xat keladi holos natija yoq hokim buzilishga qaror bermayapti, dokonni ishlatishga ham imkon qoymagan dokonim yaroqsiz holda yolchilarning ustidan shikoyat qilay desam ularni qsyerdan topishni bilmayman
YURIST JAVOBI:
✅ Bu holatda sudga kompensatsiya undirish yuzasidan da’vo qilishingiz lozim.
Yer uchastkalarini kompensatsiya evaziga jamoat ehtiyojlari uchun olib qo‘yish tartib-taomillari to‘g‘risidagi qonun 4-moddasiga asosan:
respublika ahamiyatiga hamda mahalliy ahamiyatga molik avtomobil va temir yo‘llarni, ayeroportlarni, ayerodromlarni, ayeronavigatsiya obektlarini hamda aviatexnika markazlarini, temir yo‘l transporti obektlarini, ko‘priklar, metropolitenlar, tunnellarni, energetika va aloqa tizimining muhandislik obektlari hamda tarmoqlarini, kosmik faoliyat obektlarini, magistral quvurlarni, muhandislik-kommunikatsiya tarmoqlarini, irrigatsiya va melioratsiya tizimlarini qurish (rekonstruksiya qilish) munosabati bilan jismoniy va yuridik shaxslarga tegishli bo‘lgan yer uchastkalari kompensatsiya evaziga olib qo‘yilishi mumkin.
Ushbu qonun 22-moddasi mazmuniga ko‘ra yer uchastkasini olib qo‘yish yer uchastkalari huquq egalari bilan hokim o‘rtasida kompensatsiyaning shartlari, turlari va miqdori bo‘yicha kelishuvga erishishga doir ishlarni amalga oshiradi.
Ushbu moddaning uchinchi qismida kompensatsiyaning turlari, miqdori va uni berish muddati, shuningdek kompensatsiya to‘liq hajmda berilganidan keyin ko‘chmas mulk obektini bo‘shatish muddati kelishuvda nazarda tutilishi belgilangan.
Bunda ko‘chmas mulk obektini bo‘shatish muddati kompensatsiya to‘liq hajmda berilgan kundan e’tiboran hisoblanadi va olti oydan oshmasligi kerak.
❗️Demak, sizdagi holatda ham yer uchastkasini olib qo‘yish uchun yuqoridagi tartibda kelishuvga erilishi talab etiladi. E’tibor bergan bo‘lsangiz, qoidada?kelishuvdan keyin kompensatsiya to‘liq to‘langan keyin buzishga kirishilishi belgilangan.
Endi qarang! qonunning 25-moddasiga asosan
kompensatsiya kelishuvda ko‘rsatilgan muddatlarda, biroq kelishuv tuzilgan kundan e’tiboran olti oydan kechiktirmay, agar kelishuvda pul mablag‘lari tarzidagi kompensatsiya nazarda tutilgan bo‘lsa, bunday kompensatsiya kelishuv tuzilgan sanadan e’tiboran bir oydan kechiktirmay beriladi.
Shunga ko‘ra sizga ham kompensatsiya pulda berilishi kelishilgan bo‘lsa, unda 1 oydan kechiktirmay to‘lanishi kerak edi.
❗️Xulosa qiladigan bo‘lsak, bu vaziyatda siz fuqarolik sudiga (agar do‘kon yuridik shaxs yoki YATT sifatida ochilgan bo‘lsa, iqtisodiy sudga) kompensatsiya undirish haqida da’vo qilishingiz lozim.
♂️ Shuni ham aytish kerakki, kompensatsiyaga qo‘shimcha ravishda siz yer uchastkasida joylashgan ko‘chmas mulk bozor qiymatining besh foizi miqdorida bir martalik to‘lov undirishingiz ham mumkin.
