Qo‘shnim uyimga suv o‘tkazmayapti, nima qilsam bo‘ladi?
@Yurist_Xizmati 4491-savol:
Assalomu alaykum bizga 1990 yilda asosan 6 sotxdan yer berilgan bizda xozir suv muammosi bulyabti birinchi va ikkinchi kushnim urtasidan suv utadigan tashlama arikbor yedi bu arikcha yukori maxalla kushnilarni uylarini urtasidan utadi birinchi Kushnim shu arikni berkitib 2017yilda kadastr xujjat kildirgan yekan. Bizga xozir suv bermayabdi. Shu muammoni yechimi topilmayabti ular kilgan kadastr xujjatini bekor kildirib chana arikchani. Ochtirishni iloji bormi biz ikki kushni suvga kiynalayabmiz iltimos yordam bering. Shu muammo buyicha kadastrga xam uchraganiz xal bulmagan
YURIST JAVOBI:
Bu vaziyatda avvalo, qo‘shningiz bilan mahalla faollari o‘rtasida kelishishga harakat qiling, agar bu natija bermasa, fuqarolik sudiga servitut belgilash bo‘yicha ariza berishingiz mumkin bo‘ladi.
Qarang! Fuqarolik kodeksining 173-moddasida ko‘chmas mulk (yer uchastkasi, boshqa ko‘chmas mulk) egasi qo‘shni yer uchastkasining egasidan, zarur hollarda esa — boshqa yer uchastkasining egasidan ham o‘zganing yer uchastkasidan cheklangan tarzda foydalanish (servitut) huquqini berishni talab qilishga haqli ekanligi belgilangan.
♂️ Ya’ni sizdagi vaziyatda bo‘lgani kabi qo‘shnilar boshqa qo‘shniga tegishli yer uchastkasidan cheklangan miqdorda foydalanish huquqiga ega.
Bunday foydalanish yer uchastkasidan piyoda va transportda o‘ta olishni ta’minlash, elektr uzatgich, aloqa va quvur liniyalarini o‘tkazish va ulardan foydalanish, suv bilan ta’minlash maqsadida bo‘lishi mumkin.
✅ Shunday ekan, sizdagi vaziyatda ham qo‘shningizning yeridan ariq o‘tkazish maqsadida foydalanishingiz mumkin.
☝️Bunda yuqorida aytilganidek, mazkur masala avvalo taraflarning kelishuvi bilan hal etilishi mumkin. Servitutni belgilash xususida kelisha olinmasa yoki uning shartlarida murosaga kelinmasa, bahs servitut belgilashni talab qilayotgan shaxsning da’vosi bo‘yicha sud tomonidan hal etiladi. Mazkur holatda qo‘shningiz ushbu kodeks 173-3-moddasiga ko‘ra sizdan yer uchastkalaridan foydalanganlik uchun mutanosib haq talab qilishga haqlidir.
✅ Xulosa qiladigan bo‘lsak, sizlardagi vaziyatda nizoni kelishuv bilan hal qilib bo‘lmasa, fuqarolik sudiga qo‘shningizning yer uchastkasiga nisbatan servitut belgilash bo‘yicha ariza berishingiz mumkin.
