113 ko'rilgan
Ajrashgandan keyin ham umumiy mulkni bo‘lish mumkinmi?

Er-xotinning umumiy mol-mulki bo‘lgan (agar ushbu mol-mulk uy bo‘lsa) taqdirdagina, shunda ham ularning kelishuviga ko‘ra (ayrim holatlarda sud tomonidan) er xotini uy bilan ta’minlashi mumkin.

Oila kodeksi 23-moddasiga muvofiq er va xotinning nikoh davomida orttirgan mol-mulklari, shuningdek nikoh qayd etilgunga qadar, bo‘lajak er-xotinning umumiy mablag‘lari hisobiga olingan mol-mulklari, agar qonun yoki nikoh shartnomasida boshqacha hol ko‘rsatilmagan bo‘lsa, ularning birgalikdagi umumiy mulki hisoblanadi. Ushbu qoidaga ko‘ra siz turmush qurganingizdan keyin orttirilgan har qanday mulk sizlarning umumiy mulk hisoblanadi.

Bunda Oila kodeksining 24-moddasiga ko‘ra er va xotindan birining umumiy mol-mulkini tasarruf etishi bilan bog‘liq bitim tuzilganda bu harakat boshqasining roziligiga ko‘ra amalga oshirilayotganligini anglatadi.

Endi qarang! Er va xotinning umumiy mol-mulkini bo‘lish er va xotindan birining talabiga ko‘ra, ular nikohda bo‘lgan davrda ham, nikohdan ajralishgandan keyin ham, shuningdek kreditor er va xotindan birining umumiy mol-mulkdagi ulushiga undiruvni qaratish uchun umumiy mol-mulkni bo‘lish talabi bilan arz qilgan hollarda amalga oshirilishi mumkin (OK 27-m).

☝️Qoidaning mazmuniga ko‘ra turmush o‘rtog‘ingizning da’vo qilishi huquqiy asosga ega. Bunda nikohdan ajralgan er va xotinning umumiy mol-mulkni bo‘lish to‘g‘risidagi talablariga nisbatan uch yillik da’vo muddati qo‘llaniladi.

❗️Shunga ko‘ra agar sizning o‘rtangizdagi nikoh bekor bo‘lganiga 3 yil bo‘lmagan bo‘lsa, sud da’voni qanoatlantirishi mumkin.

➡️ Asosiy masalaga kelsak, Oila kodeksining 28-moddasiga asosan er va xotinning ulushlari teng deb hisoblanadi. Lekin sud voyaga yetmagan bolalar manfaatlaridan va (yoki) er va xotindan birining e’tiborga loyiq manfaatini hisobga olib, jumladan, agar er yoki xotin uzrsiz sabablarga ko‘ra daromad olmagan bo‘lsa yoxud er va xotinning umumiy mol-mulkini oila manfaatlariga zarar yetkazgan holda sarflagan bo‘lsa, er va xotinning umumiy mol-mulkidagi ulushlari tengligidan chekinishga haqlidir.

✅ Shunga ko‘ra sizdagi vaziyatda umumiy qoida bo‘yicha mol-mulkingizning 50 foiziga xotiningiz egalik qilishga haqli.
Bu mavzu Sud va huquqiy maslaxatlatlar bo'limida 24 Iyun da maqola yozgan. | 113 ko'rilgan