Xorijiy til o‘qituvchilari ishda qolish yoki ishga kirish uchun quyidagi sertifikatlardan birini olishi kerak!
2024/2025-o‘quv yiliga qadar barcha xorijiy til ustozlari Oliy ta’lim, fan va innovatsiyalar hamda Maktabgacha va maktab ta’limi vazirliklarining qarori (29.05.2024, №3515) 1-ilovasidagi milliy yoki xalqaro sertifikatlarning biridan kamida B2 darajasiga ega bo‘lishi lozim.
❌ Avvalgi, 2021 yilda tasdiqlangan qaror bilan solishtirganda quyidagi sertifikatlar ro‘yxatdan chiqarib yuborilgan:
APTIS for teachers
Linguaskill
Test of English for International Communication (TOEIC)
Agar o‘qituvchilar qaror kuchga kirgunga qadar (2024 yil 29 mayga qadar) ro‘yxatdan chiqarib yuborilgan sertifikatlarni olgan bo‘lsalar ularning olingan kunidan boshlab amal qilish muddati tugagunga (muddati cheklanmagan (belgilanmagan) sertifikatlar uchun sertifikat olingan kundan boshlab uch yildan ko‘p bo‘lmagan vaqt mobaynida) qadar imtiyoz va ustamalar qo‘llaniladi.
❗️Quyidagi sertifikatlar bilan xorijiy tillarni bilish darajasi emas, balki xorijiy tillar bo‘yicha malaka va ko‘nikmalar aniqlanadi:
➖Teaching Knowledge Test (TKT)
➖ Teaching English for Speakers of Other Languages (TESOL)
➖ Teaching English as a Foreign Language (TEFL)
➖ Teaching English as a Second Language (TESL)
➖ Certificate in English Language Teaching to Adults (CELTA)
➖ Diploma in Teaching English to Speakers of Other Languages (DELTA)
Shu sababli ular ushbu ro‘yxatga kiritilmagan.
❕2024 yil 29 maydan keyin faqat yangi qarorda ko‘rsatib o‘tilgan sertifikatlar amal qiladi.
Ta’lim sohasida xizmat ko‘rsatuvchi vakolatli xalqaro tashkilotlarning rasmiy ro‘yxatidan o‘tgan test markazlariga (authorized test centers) tashrif buyurmasdan, tashkilot vakillarining bevosita nazorati ostida topshirmasdan, masofadan (Remote, Home Edition va boshqa turlari) olingan sertifikatlarga imtiyoz va ustamalar qo‘llanilmaydi.
Eslatib o‘tamiz, pedagoglarga ustama belgilashda qo‘llaniladigan chet tili sertifikatlar ro‘yxati ushbu yangi qarorning 3-bobida alohida tasdiqlangan bo‘lib, ishga kirishda so‘raladigan va ustama to‘lanadigan sertifikatlar ro‘yxati qisman farq qiladi.
