MAKTAB PSIXOLOGINING TA’TILI NЕCHA KUN BO‘LISHI KЕRAK?
Assalomu alaykum. Maktabdagi psixologga ham ko‘p yillik staji uchun ta'til berish kerakmi? Ayrimlar mumkin emas, shundoq ham ham ular yillik uzaytirilgan ta'til olishadi deyishyapti?
JAVOB:
Vazirlar Mahkamasining qarori, 26.06.2023 yildagi 263-son qarori bialn tasdiqlangan Pedagog xodimlar uchun yillik uzaytirilgan mehnat ta’tili davomiyligi MЕ’YORLARIga ko‘ra psixologlarga 42 kundan iborat yillik uzaytirilgan ta’til beriladi. Mehnat kodeksining 220-moddasiga asosan Xodimga u bitta tashkilotda yoki tarmoqda ishlagan har besh yil uchun davomiyligi ikki kalendar kun bo‘lgan, biroq jami sakkiz kalendar kundan ko‘p bo‘lmagan har yilgi qo‘shimcha mehnat ta’tili beriladi. Ya’ni yillik uzaytirilgan ta’tilning mehnat kodeksining 220-moddasida belgilangan ish staji uchun beriladigan har yilgi qo‘shimcha mehnat ta’tiliga aloqasi yo‘q. memalol ish stajidan kelib chiqib qo‘shimcha ta’til berilishi mumkin.
Masalan, maktab psixologi maktabda 10 yillik ish stajiga ega unga 42 kun yillik uzaytirilgan mehnat ta’tili va 4 kunlik MKning 220-moddasi bilan ish staji uchun beriladigan har yilgi qo‘shimcha mehnat ta’tili beriladi jami 46 kunga ta’tilga chiqariladi.
