❗️QONUNCHILIKKA KO‘RA HAR BIR BOLA UCHUN ENG KAM ALIMЕNT MIQDORI QANCHA BO‘LISHI KЕRAK ?
Oila kodeksining 99-moddasiga asosan, agar voyaga yetmagan bolalariga ta’minot berish haqida ota-ona o‘rtasida kelishuv bo‘lmasa, ularning ta’minoti uchun aliment sud tomonidan ota-onaning har oydagi ish haqi va boshqa daromadidan kelib chiqib undiriladi.
❗️ Har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdori (Hozirgi kunda 1 050 000 so‘m)ning 26,5 foizi (278 250so‘m) dan kam bo‘lmasligi kerak.
✏️ Ya’ni, aliment undiruvchining har bir bolasi uchun olayotgan aliment miqdori manashu 278 250 so‘mdan kam bo‘lishi mumkin emas. Agar aliment to‘lovchining oylik ish haqqi yoki boshqa daromadi har bir farzandi uchun 278 250 so‘mdan to‘lashga yetmagan taqdirda xam bu miqdor kamaytirilmaydi. Ikki nafar bolasiga eng kamida 556 500 so‘mdan kam aliment olayotganlar bo‘lsa, bilingki Sizga aliment noto‘g‘ri xisoblanmoqda. Uch nafar farzandiga yo‘q deganda 834 750 so‘mdan kam aliment olayotganlar bo‘lsa, ularga xam aliment kam xisoblanyapti degani bu.
