IKKITA OILAM BOR, QANCHA ALIMЕNT TO‘LASHIM KЕRAK?
Assalomu aleykum xurmatli yuristlar mening savolim: sha’riy nikoximdagi ishli ayelimdan 2 nafar voyaga yetmagan otalikga olingan farzandim bor. Qonuniy nikoximdagi ishsiz ayelimdan ham 2 nafar voyaga yetmagan farzandim bor. O‘zim ham ishliman. Shariy nikoximdagi ayolimni moddiy ta’minlab turaman, uning nomiga kreditga uy olganimiz lekin alimentga bermoqchi. Shunda yuqoridagilarni xisobga olinsa ish haqqimga nisbatan nechi foiz aliment puli belgilanadi, yoki ish haqqim xar oy o‘zgarib turishi sabab suddan ma’lum bir summa belgilashini so‘rasam qancha belgilanadi
YURIST JAVOBI:
Qancha belgilanishini aniq ayta olmaymiz. Lekin eng kami har bir bolaga 278 000 so‘mdan kam belgilamaydi.
❗️Qarang! Oila kodeksi 96-moddasiga muvofiq, har bir ota-ona farzandi uchun aliment to‘lashga majbur hisoblanadi.
OK 99-moddasiga muvofiq aliment ota-onaning har oydagi ish haqi va (yoki) boshqa daromadining:
• bir bola uchun — to‘rtdan bir qismi;
• ikki bola uchun — uchdan bir qismi;
• uch va undan ortiq bola uchun — yarmisi miqdorida undiriladi.
☝️E’tibor bergan bo‘lsangiz, normada ish haqi va boshqa daromadlar jumlasi keltirilgan.
✅ Shunday ekan, siz topgan daromadingizning 1/3 qismi miqdorida aliment to‘lashingiz kerak, agar faqat shar’iy nikohdagi ayolingizgina aliment undirish uchun sudga murojaat qilsa. Agar qonuniy xotiningiz ham murojaat qilsa, unda sud jami farzandlar uchun daromadingizning yarmini aliment to‘lovi uchun qaratishi mumkin. Bunda har ikki oilangiz uchun tegadigan miqdorni alohida belgilaydi.
Endi qarang! 99-modda ikkinchi qismiga ko‘ra har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak.
❗️Bu miqdor bugungi kunda bir bola uchun aliment miqdori 278 ming so‘mdan kam bo‘lmasligi kerak.
Bunda OK 101-moddasiga muvofiq ota-onadan voyaga yetgan mehnatga layoqatsiz, yordamga muhtoj bolalariga undiriladigan alimentning miqdori sud tomonidan aliment to‘lashi shart bo‘lgan ota-onaning oilaviy va moddiy ahvoli hisobga olinib, har oyda pul bilan to‘lanadigan qat’iy summada belgilanadi. Shunday ekan sizdagi vaziyatda aliment qat’iy miqdorda belgilanishi mumkin.
