380 ko'rilgan
ERKAKLAR NЕGA KO‘P ICHADILAR?

‼️Eng ko‘p sabablaridan biri bular:

- Ruhiy jarohatlar azobini chiqarish uchun, yaqin kishisidan ayrilish, ishdan ketish, uyda ko‘proq qolib ketishi va bora-bora odat tusiga kirib inson o‘ziga ishonchsiz bo‘lib qolganda, ichkilik sal bo‘lsada, «g‘ururliroq» ko‘rsatadi shu erkakni...

Yana kimdir, ishdan charchab kelganda ichadi, zo‘riqishni salgina yengillatish uchun...

Sevimli ayoli uni sevgisiga loyiq deb hisoblamaganda ichadi. Bunday holda, u xo‘rlikdan uyalib ichadi.

O‘zini erkinroq his qilish uchun ichadi. Spirtli ichimliklar orqali voqelikni, idrokini o‘zgartirganda, u o‘zini yanada jozibador, qiziqarli va muvaffaqiyatli his qiladi. Shu bilan birga, u o‘zini va hayotini o‘zgartirish uchun maxsus harakatlar talab qilmaydi.

Ba’zi bir erkaklar shunchaki, gap-gashtakda, choyxonalarda ichadi.

‼️Turmush o‘rtog‘ingizning ichishining sababi, aynan siz uni ruhlantirmayotganingizda, o‘rtangizda uzilgan rishta borligida, siz uni hayratga va hurmatga loyiq deb bilmaganingizda...
Aslida negizida yana boshqa ildizlari bo‘lishi mumkin. Lekin asosiysi shu!

‼️Siz unga yordam berishingiz mumkin. Faqat unga achinmasdan, u o‘z taqdirining ho‘jayini ekanini tan olgan holda. Agar ilojini qilsangiz, u insonga e’tibor bering. Jinsiy munosabatlarni yaxshilang.  Parvarishlang. Unga shirin so‘z va harakatingiz orqali sevgi, hurmat, ishonch, uni ma’qullash orqali u muvaffaqiyat qozonishi mumkin bo‘lgan qobiliyatiga kuchli iymoningizni bildiring.

Hech ikkilanmang, bu tanqid va norozilikka qaraganda ancha yaxshi ishlaydi. Natijalar sizning kutganingizdan ham a’lo bo‘lib chiqadi. InshaAlloh...

-Odam bo‘larmidi?
-Buni turishi o‘zi shu!
-Man unga ishonolmayman.
Sizdagi bu fikrlani sizda borligini yaqqol o‘qiyabman...inkor etmang borligini, faqat olib tashlang...

Ha, turmush o‘rtog‘ingiz qayerdadir xato qilgandirlar, lekin buning uchun uni ayblash noto‘g‘ri, uni tushunishga harakat qiling. Ularning ham o‘z dunyosi bor. Ularga ham qayerdadir qiyin.
Siz ko‘p mas’uliyatlarni ishonchsizlikdan bo‘yningizga olib olgan bo‘lsangiz kerak. Shu vazifalarni ham ularga topshiring. Ularni sekin-sekin maqtashlardan boshlang ishni, o‘ziga ishonch hosil qilishi uchun.
Ishoning, yuragingiz ham o‘z-o‘zidan shifo topib ketadi. Kechiring uni. Shartsiz seving. Turmush o‘rtog‘ingizda ham Allohning bir qismini ko‘ring. Farzandlaringizga qarang, axir shu inson orqali siz bahtiyor onaga aylangansiz...
Bu mavzu Oila va turmush bo'limida 6 kun oldin da maqola yozgan. | 380 ko'rilgan