➖@ijtimoiyaxborot➖
☝️ O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan qonuniy vakiliga beriladigan nafaqa
▫️Miqdori: 568 000 so‘m
❗️Mazkur nafaqa nogironlik belgilangan muddatning butun davrga, biroq nogironligi bo‘lgan bola 18 yoshdan oshmagan muddatga, har oy beriladi.
❓ Nafaqa kimlarga tayinlanadi?
O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan qonuniy vakiliga. O‘zgalar parvarishiga muhtoj bo‘lgan 18 yoshgacha bolalarning kasalliklari ro‘yxati O‘zbekiston Respublikasi Prezidentining Farmoni bilan tasdiqlangan.
❓Qayerga murojaat qilinadi?
Nafaqa fuqarolarning murojaatlarisiz «proaktiv shakl»da tayinlanadi va to‘lanadi.
18 yoshgacha bo‘lgan bolaga nogironlik (tasdiqlangan ro‘yxatga asosan) belgilanganda Ijtimoiy himoya milliy agentligi bolaning qonuniy vakiliga «proaktiv shakl»da nafaqa tayinlash uchun elektron ma’lumotlarni so‘rovnoma shaklida «Pensiya» axborot tizimiga yuboradi.
❓So‘rovnomani kim ko‘rib chiqadi va qaror qanday qabul qilinadi?
So‘rovnoma raqamlashgan tarzda Iqtisodiyot va moliya vazirligi huzuridagi budjetdan tashqari Pensiya jamg‘armasining «Pensiya» axborot tizimi orqali ko‘rib chiqiladi. O‘rganish o‘tkazilganidan so‘ng nafaqa tayinlash yoki tayinlashni rad etish to‘g‘risida qaror qabul qilinadi va bu haqdagi ma’lumot shaxsning mobil telefon raqamiga SMS shaklida yuboriladi.
❓Qanday holatlarda nafaqani tayinlash rad etiladi?
Elektron axborot almashinuvi orqali quyidagilar tasdiqlanmagan holda:
nafaqa tayinlash uchun so‘rovnomada ko‘rsatilgan qonuniy vakili bilan bolani aloqalari (ota-onalik yoki vasiylik/homiylik).
❓Nafaqa to‘lovlari qachon va qayerda amalga oshiriladi?
Nafaqalar nafaqa oluvchining xohishiga ko‘ra nafaqa naqd shaklida yoki fuqarolarning depozit hisobvaraqlariga (plastik kartasiga) pul o‘tkazish yo‘li bilan AT «Xalq banki» bo‘limi (filiali) tomonidan to‘lanadi. Bankning mas’ul xodimlari naqd shakldagi to‘lovlarni mahallarga yetkazgan holda har oy to‘lab boradi.
