O‘qituvchilarni bolalarni ro‘yxatga olishga jalb qilish mumkinmi?
@Yurist_Xizmati 4420-savol:
Bizning Maktabda Maktab Rahbariyati xar bitta o‘qituvchiga xatto sinfi yo‘q yuqori sinflarga dars o‘tadiga o‘qituvchilarga xam Mikro uchastka bo‘lib bergan Rahbariyatning aytishicha Shahar Hokimining qarori bor emish Mikro uchastka bo‘yicha aslida bu qonuniymi shu masalaning qonuniy yechimi qanday Maktab o‘qituvchilarining o‘ziga biriktirilgan Mikrouchastkalarga chiqib 1-sinfga chiqadigan o‘quvchilarni ro‘yxatga olib yurishi uning vazifasiga kiradimii...? Bu majburiy mehnatga kirmaydimi...? Shu masalaning qonuniy asosi bormi aslida bu mikrouchastka kimning vazifasi...? Akalar shu savolimga xar tomonlama asoslantirilgan javob beringlar iltimos
YURIST JAVOBI:
Bu masalada bir necha marotaba postlar qo‘yilgan edi. Maktabga biriktirilgan mikrohududlarga o‘qituvchilarni biriktirish majburiy mehnat emas deb hisoblaymiz.
Qarang! Pedagogning maqomi to‘g‘risidagi qonun 5-moddasiga ko‘ra pedagogni uning kasbiy faoliyati bilan bog‘liq bo‘lmagan, lekin siyosiy va ijtimoiy ahamiyatga ega bo‘lgan tadbirlarga, xususan:
saylovlarni tashkil etish va o‘tkazish jarayonlarida ishtirok etishga;
test sinovlarida auditoriya nazoratchisi vazifasini bajarish;
aholini ro‘yxatga olish ishlarida ko‘maklashishga;
ta’lim tashkilotlarini tekshirish hamda attestatsiyadan o‘tkazish jarayonlarida ekspert sifatida ishtirok etishga;
va boshqalarga jalb qilish uning roziligiga ko‘ra, u bilan tuzilgan shartnomaga asosan, qo‘shimcha haq to‘lash evaziga, ishdan bo‘sh vaqtida yoki ish joyi bo‘yicha o‘rtacha ish haqi saqlangan holda amalga oshiriladi.
E’tibor bergan bo‘lsangiz, ushbu ishlarga jalb etish qo‘shimcha haq evaziga ishdan bo‘sh vaqtida yoki ish vaqtida uning o‘rtacha ish haqi saqlanib qolingan holda amalga oshirilishi belgilanmoqda.
Endi qarang! Vazirlar Mahkamasining 2017 yil 15 martdagi 140-son qarori bilan tasdiqlangan “Umumta’lim maktabi to‘g‘risida”gi nizomning 39-bandiga ko‘ra maktab yoshidagi bolalarni umumiy o‘rta ta’limga qamrab olish tuman (shahar) hokimliklarining qarori bilan umumta’lim muassasalariga biriktirilgan hududlar (mikrohudud) doirasida umumta’lim muassasasi tomonidan ro‘yxatga olish orqali amalga oshiriladi.
Bunda biriktirilgan hududlar (mikrohudud) doirasida doimiy yashash va vaqtincha turgan joyi bo‘yicha ro‘yxatga olingan va haqiqatda yashovchi oila farzandlari inobatga olinadi.
☝️E’tibor bergan bo‘lsangiz, bolalar umumta’lim muassasasi tomonidan ro‘yxatga olinishi belgilangan.
♂️ Bunda Umumiy o‘rta ta’lim muassasalari (ayrim fanlar chuqur o‘rganiladigan ixtisoslashtirilgan muassasalar) xodimlarining lavozim majburiyatlarini tasdiqlash haqidagi Maktabgacha va maktab ta’limi vazirining 2023-yil 20 - dekabrdagi 565-sonli buyrug‘iga 37-ilova asos bo‘ladi.
✅ Shunga ko‘ra bu masalada maktab direktori bu vazifani bajarish uchun maktab xodimlarini jalb qilishga haqli.
