FHDYO DAN NIKOHNI BЕKOR QILISH RO‘YXATDAN O‘TKAZILMASA, NIKOH BЕKOR QILINMAGAN HISOBLANADI.
Assalomu aleykum yurist maslaxati telegram kanali foydalanuvchisiman .Meni singlim konuniy sud orkali 4yil oldin oilaviy ajrim buyicha ajrashgan.Sud karori bor,ammo ajrim guvoxnoma olishmagan.Endilikda turmush urtogi bilan yarashishmokchi.Shu xolatda boshkatdan ZAGS dan utiladimi ,yeki oldingi nikox guvoxnomasini tiklasa buladimi .Shu savolimga xukukiy yerdam bersangiz iltimos.
JAVOB:
Oila kodeksining 47-moddasida Nikohdan ajratilganda nikohning tugatilish vaqti qoidasi berilgan bo‘lib, unga ko‘ra, Nikoh fuqarolik holati dalolatnomalarini qayd etish organida nikohdan ajratilganlik ro‘yxatga olingan kundan boshlab tugatilishi belgilangan.
Ya’ni bundan kelib chiqadiki, sud ajrim to‘g‘risida qaror qabul qilib, u kuchga kirgani bilan, FHDYO da ro‘yxatdan o‘tmaguncha nikoh tugatimaydi.
Shuningdek, FHDYO yo‘rinomasida ham FHDY organi sud qarori asosida er-xotinlardan birining arizasiga binoan nikohdan ajratish to‘g‘risidagi dalolatnoma yozuvini qayd etadi va nikohdan ajratish to‘g‘risidagi guvohnomani berishi ta’kidlangan.
Demak, sizning singlingiz va uning turmush o‘rtog‘i FHDYOga borib ushbu shaklda nikohdan ajratilganlikni qayd qildirib guvohnoma olmagan bo‘lsa, nikoh tugatilmagan hisoblanadi.
Shunday bo‘lsa ham, shaxslar FHDYO organi bazasidan o‘zlarining nikohi haqidagi ma’lumotlarni so‘rab olishlari va ishonch hosil qilishlari tavsiya etiladi.
