Qishki ta’til vaqtida o‘qituvchilar maktabga bormasa ham bo‘ladimi?
@Yurist_Xizmati 4307-savol:
Assalomu alaykum!Bir necha kundan keyin MMTBda qishki ta'til boshlanadi. Ta'til payti maktab rahbarlari va o‘qituvchilardan qanday ish tartibi talab qilinadi?
YURIST JAVOBI:
❗️Qishki ta’til vaqtida maktab rahbariyati va o‘qituvchilar o‘zlarining lavozim majburiyatlarini bajarishadi. Garchi o‘qituvchilar qishki ta’til vaqtida dars o‘tmasa-da pedagogik yuklamani bajaradi.
Xalq ta’limi vazirligining 01.07.2021 yil 206-sonli buyrug‘ida maktab xodimlarining (rahbarlar ham, pedagog xodimlar ham) lavozim majburiyatlari belgilangan. Ushbu buyruqqa ko‘ra pedagog xodimning majburiyatlari faqat dars berish emas, unda bir qator boshqa majburiyatlar ham bor.
❕Shunga ko‘ra, ta’til vaqtida o‘qituvchilar o‘zlarining boshqa majburiyatlarini bajaradi.
Qarang! 1 stakva miqdorda (yuqori sinflarda 20, boshlang‘ich sinflarda 18 soat) ishlaydigan o‘qituvchi Mehnat kodeksining 184-moddasiga ko‘ra haftasiga 36 soat (yuqori sinf o‘qituvchisi bir kunda 6 soat, boshlang‘ich sinf o‘qituvchi 7.2 soat) ishlashi kerak.
Umumiy o‘rta ta’lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risidagi Yo‘riqnomaga (ro‘yxat raqami 3058) 4-bandiga asosan umumiy o‘rta ta’lim muassasasi pedagog xodimining yillik ish yuklamasi quyidagicha hisoblab chiqiladi:
1-4-sinflar uchun belgilangan bir stavka miqdoridagi ish yuklamasi haftalik hajmini 1 koeffitsiyentga ko‘paytirish orqali, ya’ni:
- 18x1=18+18=36x4,3(hafta)=154,8x43 (hafta)=1548 soat;
5-11-sinflar uchun belgilangan bir stavka miqdoridagi ish yuklamasi haftalik hajmini 0,8 koeffitsiyentga ko‘paytirish orqali, ya’ni:
- 20x0,8=16+20=36x4,3(hafta)=154,8x43 (hafta)=1548 soat.
✅ Yuqoridagi qoidaga ko‘ra o‘qituvchi tarif bo‘yicha olgan soatlariga mutanosib ravishda pedagogik yuklamani bajarish uchun maktabga keladi va belgilangan soatlarni ishni bajaradi.
❗️Shuning uchun unga MK 244-moddasiga asosan ish haqi to‘lanadi
