KONTRAKT TO‘LOV UCHUN IMTIYOZNI OYLIKDAN O‘TKAZGANDA BUGALTЕR ORQALI DAROMAD SOLIG‘IDAN IMTIYOZNI QO‘LLASA BO‘LADIMI? YOKI SOLIQQA BORISH SHARTMI?
Bu imtiyozdan ikki hil toifadagi fuqarolar foydalanadi. Rasmiy daromadga ega bo‘lganlar va ramiy daromadga ega bo‘lmaganlar. Ikki toifaning ham imtiyozdan foydalanishini birma bir tahlil qilib o‘tamiz.
Adliya vazirligida 2010 yil 27 mayda 2107-son bilan ro‘yxatga olingan Nizomning 12-bandiga asosan soliq to‘lovchi ish beruvchiga ish haqi tarzidagi daromadini professional yoki oliy ta’lim tashkilotiga o‘qish uchun to‘lovga o‘tkazish to‘g‘risidagi ariza bilan birgalikda kontrakt shartnomasi nusxasini taqdim etsa, ish beruvchi tomonidan jismoniy shaxslardan olinadigan daromad solig‘ini to‘lov manbaida ushlab qolmaslik uchun asos bo‘ladi.
Ya’ni bu yerda fuqaro ish beruvchiga yuqoridagi ikki xujjatni taqdim qilsa, shuning o‘zi yetarli. Ish beruvchi bu holatda xodimning oyligidan daromad solig‘ini ushlab qolmaydi.
Ikkinchi holat, mazkur Nizomning 16-bandiga asosan O‘zbekiston Respublikasi professional va oliy ta’lim tashkilotlarida o‘qish uchun to‘lov jismoniy shaxs tomonidan mustaqil ravishda (naqd pulda, omonat, hisob raqam yoki plastik karta orqali) to‘langanda, soliq imtiyozi Soliq kodeksining 397- moddasiga asosan jismoniy shaxsning jami yillik daromadi to‘g‘risidagi deklaratsiyani topshirish yo‘li orqali beriladi. Ya’ni bu holatda qachonki, fuqaro dekloratsiya topshirgan taqdirda 12 foiz daromad solig‘idan imtiyoz qaytariladi.
❗️Imtiyozdan onlayn foydalanish tartibi bu yerda.
Yuqoridagilarga asosan, farzandingizni kontrakti uchun to‘lov yuridik shaxs tomonidan pul o‘tkazish yo‘li bilan o‘tkazilgan to‘lovlarga yuridik shaxsning hisobchisi tomonidan to‘lov manbaida imtiyoz qo‘llanilishi lozim va 2023-yilda to‘langan naqd pul shaklidagi to‘lov bo‘yicha yil tugagandan so‘ng, 2024-yil yanvar oyidan boshlab deklaratsiya taqdim etish orqali ortiqcha to‘lovni qaytarib olishingiz mumkin
