Merosxo‘r merosni olguncha vafot etsa, uning ulushi qanday taqsimlanadi?
Agar merosxo‘r meros ochilgunga qadar vafot etsa, uning ulushi avlodlariga teng miqdorda o‘tadi (taqdim qilish huquqi bo‘yicha vorislik). Masalan, agar o‘g‘il (qiz) otasi yoki onasidan oldin vafot etgan bo‘lsa, uning bolalari bobosi yoki buvisining vafotidan so‘ng qolgan merosga nisbatan taqdim qilish huquqi bo‘yicha merosxo‘r bo‘ladi.
Agar merosxo‘r meros ochilganidan keyin, lekin uni qabul qilib olishga ulgurmasdan vafot etsa, unga tegishi kerak bo‘lgan merosni qabul qilib olish huquqi uning merosxo‘rlariga o‘tadi (meros transmissiyasi).
⁉️ Kimlar merosdan majburiy ulush oladi?
Meros qoldiruvchining voyaga yetmagan yoki mehnatga qobiliyatsiz bolalari, shuningdek mehnatga qobiliyatsiz eri (xotini) va ota-onasi, vasiyatnoma yoki qonun bo‘yicha voris bo‘lganda ushbu merosxo‘rga tegishi lozim bo‘lgan ulushning kamida yarmini (majburiy ulush) meros qilib oladi.
