Yoshim 25 da. 2 yil oralig‘ida menda ortiqcha vazn hosil bo‘ldi. Kam ovqat yeyman, ko‘p asabiylashish ham semirishga olib keladimi?
Sarvinoz Namozova
✍️ Ahadjon Abduxalilov, sog‘lom hayot targ‘ibotchisi
Semizlik - organizmda ortiqcha yog‘larning to‘planishi sababli tana vaznini me’yordan 20-30 foiz va undan ortib ketishi.
Sabablari:
✔️ Qabul qilingan energiyani sarflangan energiyadan ko‘p ekanligi - kam harakatlik;
✔️ Irsiy moyillik;
✔️ Yog‘ hujayralarining ortiqcha faolligi;
✔️ Bezlar faolligini buzilishi(qalqonsimon va me’da osti);
✔️ Psixologik buzilishlar.
✔️ Kasallik kelib chiqishini asosiy sabablari 80 foiz hollarda noto‘g‘ri ovqatlanish bilan bog‘liq.
Oldini olish:
Ovqat tarkibida kam uglevod va yog‘, ko‘proq oqsil va kletchatka saqlovchi mahsulotlar iste’mol qilish.
Kuniga 30-40 daqiqa jismoniy mashqlar: yurish, yugurish, suzish kabilarni bajarish.
Psixoemotsional holatlarni to‘g‘rilash va barqarorlashtirish lozim.
❇️ Xulosa qilish mumkinki, asabiylashish ham sabablardan biriga aylanishi mumkin.
