❗️Yakshanba kuni majlisga chaqirgan direktorga qanday chora ko‘riladi?
@Yurist_Xizmati 4380-savol:
Assalomu aleykum hurmatli yurist. Men maktabda ishlayman. Bir savol bn masalaga oydinlik kiritishingizni iltimos qilardim. 2024- yil 7 - yanvar kuni maktabda pedsovet bòlib òtdi. Shu kuni o‘qituvchilarning bir nechtasi qatnashmadi. Men ham qatnashmadim. Chunki direktorning shaxsiy telegram botlariga sababini yozib javob olgan edim. Lekin direktorimiz men va boshqa o‘qituvchilar maoshidan 1 kunlik ish haqqini kesib qolgan 3 ta o‘qituvchi va zavuchning maoshini kesmasdan sabab kòrsatyapti. Pedsovetda ular ham yòq edi. Siz shunga qonunan javob bering iltimos rahbarning òzi ishga kelmagan kunlari tabeldan maoshi saqlanmaydi-yu, oddiy o‘qituvchi kelmasa maosh to‘lanmaydimi? Bu qonun qanchalik tòģri. Direktor o‘ qituvchilarga to‘g‘ri munosabatda bòlmay doim ularga so‘kinch sòzlarni ishlatadi. Meni yo‘qotadigan onasini qornida deb haqorat berishi mumkinmi ? Qonuniy javobingizni kutib qolaman.
YURIST JAVOBI:
Agar to‘g‘ri yozgan bo‘lsangiz 2024 yil 7 yanvar yakshanba kuniga to‘g‘ri kelgan, shunday ekan ish beruvchi yakshanba kuni pedsovet chaqirishga haqli emas.
Undan tashqari Umumiy qoida bo‘yicha xodimning ish haqidan uning roziligisiz ushlab qolish mumkin emas. Biroq bunga istesnoli holatlar ham mavjud.
Xususan Mehnat kodeksining 269-moddasiga muvofiq xodimning yozma roziligisiz faqat sudning qarori asosida uning ish haqidan ushlab qolish mumkinligi belgilangan.
Shunga ko‘ra bu holatda sizlar tuman adliya bo‘limiga murojaat qilishingiz lozim.
⚠️ Shuni aytish kerakki, ish beruvchi yakshanba kuni majlis qilgani uchun unga nisbatan Ma’muriy javobgarlik to‘g‘risidagi kodeks 49-moddasi bilan (ya’ni mansabdor shaxs tomonidan mehnat va mehnatni muhofaza qilish to‘g‘risidagi qonun hujjatlarini buzish) bazaviy hisoblash miqdorining 5 baravaridan 10 baravarigacha miqdorda jarima solishga sabab bo‘ladi.
