"Metan" narxini asossiz oshirgan zapravkalarga chora ko‘riladi
Bugun ijtimoiy tarmoqlarda “metan zapravka”larda gaz narxi 3 800 so‘mga ko‘tarilgani haqida xabarlar e’lon qilindi.
Ushbu holat Energetika vazirligi huzuridagi “O‘zenergoinspeksiya” tomonidan zudlik bilan o‘rganildi.
“O‘zenergoinspeksiya”ning hududiy boshqarmalari tomonidan "metan" narxini 3800 so‘mga oshirgan zapravkalar zudlik bilan o‘rganildi va bartaraf etildi.
Eslatib o‘tamiz, Vazirlar Mahkamasining 2024 yil 30 martdagi 173-sonli qarori bilan avtomobillarga gaz to‘ldirish kompressor shoxobchalarida tabiiy gazni sotishda uning eng baland chakana narxi 2024 yil 1 iyungacha bir kub metr uchun 3 350 so‘m qilib belgilangan.
Agar AGTKSHlarda tabiiy gaz asossiz ravishda qimmat narxlarda sotilayotganiga guvoh bo‘lsangiz, quyidagi manzillarga murojaat qilishlaringizni so‘raymiz:
Bosh prokuraturaning telegram boti @EnergonazoratBot va ishonch telefoniga 71-232-10-07;
“O‘zenergoinspeksiya”ning telegram boti @energoInspeksiya_bot va ishonch telefoniga 71-200-02-86;
Raqobatni rivojlantirish va iste’molchilar huquqlarini himoya qilish qo‘mitasining ishonch telefoniga 71-207-47-07
