70 ko'rilgan
Pensiya yoshidagi 25 yillik ish stajga ega pedagoglarni majburlab attestatsiyaga borishni talab qilgan rahbarlarga qanday chora ko‘riladi?

@Yurist_Xizmati 4407-savol:

Assalomu alaykum. Bir savolga oydinlik kiritib berishingizni so‘rayman. Pensiya yoshidagi 25 yillik ish stajiga ega  o‘qituvchilarni majburlab muddatidan tashqari attestatsiyadan o‘tish uchun pul to‘lab attestatsiyaga borishini  talab qilinishi qanchalik to‘g‘ri?

YURIST JAVOBI:

Vazirlar Mahkamasining 2021 yil 17 sentabrdagi 572-son qarori 6-bandiga ko‘ra pensiya yoshiga to‘lgan pedagog kadrlar navbatdagi attestatsiyaga jalb etilmaydi, attestatsiyadan o‘tganlik muddati tugashidan qat’i nazar ularning amaldagi malaka toifasi (lavozimi) saqlab qolinadi hamda mazkur malaka toifasi (lavozimi) bo‘yicha ularga haq to‘lanadi.

Bunda pensiya yoshiga to‘lgan pedagog kadrlar o‘z xohishiga ko‘ra navbatdan tashqari attestatsiyadan o‘tib, malaka toifasi (lavozimi) oshirilgan taqdirda, ularga yangi tasdiqlangan malaka toifasi (lavozimi) bo‘yicha haq to‘lanadi.

❌ Mana shu qoidaga ko‘ra pensiyadagi pedagog xodimlarni majburiy attestatsiyaga jalb qilish, ularni majburlash mumkin emas.

❗️Bunday vaziyatlarda ish beruvchiga nisbatan Ma’muriy javobgarlik to‘g‘risidagi kodeks 49-moddasi bilan (ya’ni mansabdor shaxs tomonidan mehnat va mehnatni muhofaza qilish to‘g‘risidagi qonun hujjatlarini buzish) bazaviy hisoblash miqdorining besh baravaridan o‘n baravarigacha miqdorda jarima solishga sabab bo‘ladi.
Bu mavzu Sud va huquqiy maslaxatlatlar bo'limida 05 Mart da maqola yozgan. | 70 ko'rilgan