Kechga qolgan xodimlar bo‘yicha uchrab turadigan bir xatolik haqida.
Intizomsiz va doimiy kechga qoladigan xodimdan to‘yib ketgan rahbar oxiyri unga intizomiy jazo qo‘llaydi.
Lekin xodim baribir tuzalmaydi. Kechga qolish davom etaveradi. Natijada bu xodim mehnat majburiyatlarini muntazam ravishda buzganligi uchun MK 161-modda ikkinchi qism 4-bandi bilan intizomiy jazo sifatida ishdan bo‘shatiladi.
Xodimning har bir kechga qolganlik faktlari yuzasidan bildirishnoma va dalolatnoma kabi hujjatlar rasmiylashtirilgan. Tushuntirish xati berishdan bosh tortganligi uchun bu bo‘yicha ham dalolatnoma tuzilgan.
Mana shu joyida amaliyotda “kadrovik”larning e’tiborsizligi bilan bog‘liq bir vaziyat uchrab turadi.
Oy yakunlanayotgan bir vaqtda xodimning kechga qolgan soatlarini tabelda aks ettirish esdan chiqib qoladi.
Masalan, xodim 20 yanvar kuni 2 soatga ishga kech qolgan bo‘ladi, buning uchun intizomiy chora olgan bo‘ladida, tabel to‘ldirishda 20 yanvar kunga “6 soat” emas, doimgidek “8 soat” deb yozib yuboriladi.
Aslida, xodim shu kuni 2 soat kech qolganmi, bu bo‘yicha dalolatnomalar tuzilib intizomiy jazo berilganmi, tabelda ham shu narsa ko‘rinishi kerak.
Aks holda, sudda ish beruvchiga muammo bo‘ladi
