Уй-жой учун ер, мол-мулк солиғи 3 баробар кўп чиқяпти. Бу ҳолатда нима қилиш мумкин?
@Yurist_Xizmati 4238-савол:
Ассаламу алейкум мени Уй жойими кадастр хужжатлари фойдаланишга килинган хозирда менга ер-мулк солиги 3 баробар хисобланяпти мисол учун 1 йилга 1000000 сум чикса шуни 3 баробар килиб тулашим керакми шу тугрими?
ЮРИСТ ЖАВОБИ:
Солиқ кодексининг 416-моддасига асосан Ўзбекистон Республикаси ҳудудида жойлашган қуйидаги мол-мулк жисмоний шахслардан олинадиган мол-мулк солиғининг (бундан буён ушбу бобда солиқ деб юритилади) солиқ солиш обекти ҳисобланади.
Ушбу кодекс 420-моддасида кўчмас мулкка бўлган ҳуқуқларни давлат рўйхатидан ўтказувчи орган томонидан белгиланадиган солиқ солиш обектларининг кадастр қиймати солиқ базаси ҳисобланиши қайд этилган.
☝️Шу қоидага кўрасиздаги ҳолатда ҳам солиқ кадастр қийматидан келиб чиқиб солиқ ҳисобланади.
❌ СК 420-моддаси иккинчи қисмига асосан солиқни ҳисоблаб чиқариш мақсадида солиқ базаси қирқ икки миллион сўмдан кам бўлиши мумкин эмас.
Энди қаранг! Жисмоний шахсларнинг мол-мулкини баҳолаш бўйича ваколатли орган томонидан аниқланган солиқ солиш обектининг баҳоси мавжуд бўлмаган тақдирда, мол-мулкнинг шартли қиймати:
Тошкент ва Нукус шаҳарларида, шунингдек вилоят марказларида — ушбу модданинг иккинчи қисмида кўрсатилган сумманинг беш баравари миқдорида,
бошқа шаҳарларда ва қишлоқ жойларда эса — икки баравари миқдорида солиқ базаси ҳисобланади.
♂️ Бизнингча, сиздаги вазиятда ҳам уйингизнинг кадастр қиймати йўлқиги туфайли солиқ юқори базада ҳисобланаётган бўлиши мумкин Ушбу ҳолатда сиз уйингизни қайта кадастр қилдиришингиз лозим.
