BIR FIRMANING QARZINI, UNING QARZDORIGA O‘TKAZISH MUMKINMI?
@Yurist_Xizmati 4543-savol:
Firmamiz 1 milyon KGZ firmadan qarzi bor. Bizni Firmamizni O‘zbekistondagi bir firmadan 1 milyon xaqqimiz bor shu xaqqimizni qarzimizga dop soglasheniya qilib yopsak bo‘ladimi
YURIST JAVOBI:
✅ Ha albatta bo‘ladi. Buning yo‘li oson.
Fuqarolik kodeksining 313-moddasi birinchi qismida majburiyat asosida kreditorga tegishli bo‘lgan huquq (talab) uning tomonidan bitim bo‘yicha boshqa shaxsga o‘tkazilishi (talabdan boshqa shaxs foydasiga voz kechish) mumkinligi belgilangan.
☝️Aynan shu qoida sizga kreditor sifatida qarzdor tashkilotdan olishingiz mumkin bo‘lgan 1 mlnni talab qilish huquqini o‘zingizning kreditoringizga o‘tkazish huquqini beradi. Bunda sizdan qarzdor bo‘lgan firmaning roziligi talab qilinmaydi.
Bunda Fuqarolik kodeksining 320-moddasiga ko‘ra oddiy yozma yoki notarial shaklda tuzilgan bitimga asoslangan talabdan boshqa shaxs foydasiga voz kechish o‘sha shaklda amalga oshirilishi kerak.
Qoidaning mazmuniga ko‘ra siz bilan kreditoringiz o‘rtasidagi shartnoma qanday shaklda tuzilgan bo‘lsa, voz kechish haqidagi bitim (kelishuv) ham shu shaklda tuziladi.
Ya’ni bunda siz va kreditor o‘rtasida alohida bitim (shartnoma) rasmiylashtiriladi. Sizdan qarzdor bo‘lgan firmaning bu shartnomada ishtirok etishi talab etilmaydi. Faqat sizning talab qilish huquqingiz sizning kreditoringizga o‘tganligi haqida mazkur kreditor qarzdorga ma’lum qilishi va o‘rtangizdagi shartnomani unga taqdim etishi lozim.
Negaki Fuqarolik kodeksining 316-moddasiga asosan o‘z talabidan boshqa shaxs foydasiga voz kechgan kreditor talab qilish huquqini tasdiqlovchi hujjatlarni unga berishi va talabni amalga oshirish uchun ahamiyatli bo‘lgan ma’lumotlarni bildirishi kerak.
♂️Bunda qarzdor talablar yangi kreditorga o‘tganligini isbotlovchi hujjatlar o‘ziga taqdim etilmagunicha unga nisbatan majburiyatni bajarmaslikka haqli.
