Hadya qilingan uydan soliq to‘laymanmi?
@Yurist_Xizmati 4541-savol:
Assalomu alaykum. Kelin bo‘lib tushganimdan so‘ng yillar o‘tib Qaynotamni hovlisiga erim ikkimiz qo‘shimcha honalar qurib uy soldik va uzoq yillar shu yerda yashab kelmoqdamiz. O‘tgan yili Qaynotam uyni biz yashayotgan qismini menga(kelin) hadya shartnomasi orqali nomimga o‘tkazib berdi? Shunga hozirda deklaratsiya chiqgan? Men o‘zimni uyim uchun endi deklaratsiya solig‘i to‘lamasligim uchun nima qilishim kerak?
YURIST JAVOBI:
Nima uchun sizga dekloratsiya kelganini va unda nima yozilganini aytmagansiz. Shuning uchun savolingizga aniq javob bera olmaymiz. Lekin ushbu holat yuzasidan umumiy xulosa berishimiz mumkin. Soliq kodeksining 378-moddasida jismoniy shaxslarning soliq solinmaydigan daromadlari tarkibi belgilangan.
Ushbu moddaning 11-bandiga ko‘ra jismoniy shaxslardan meros yoki hadya tartibida, shuningdek tekinga olingan pul va natura shaklidagi daromadlar daromad solig‘idan ozod qilinadi, lekin bundan quyidagilar mustasno:
• ilm-fan, adabiyot va san’at asarlarining, adabiyot hamda san’at asarlari ijrochilarining, shuningdek kashfiyotlar, ixtirolar va sanoat namunalari mualliflarining merosxo‘rlariga (huquqiy vorislariga) to‘lanadigan pul mukofotlari;
• yaqin qarindosh bo‘lmagan shaxslar o‘rtasidagi ko‘chmas mulk, avtotransport vositalari, qimmatli qog‘ozlar, yuridik shaxslarning ustav fondlaridagi (ustav kapitallaridagi) ulushlar.
Bizningcha, soliq organi siz bilan qaynotangizni yaqin qarindosh toifasiga kiritmay, soliq hisoblab chiqargan bo‘lishi mumkin.
Lekin Soliq kodeksining 60-moddasida jismoniy shaxsning ota-onasi, tug‘ishgan va o‘gay aka-ukalari va opa-singillari, eri (xotini), farzandlari, shu jumladan farzandlikka olinganlar, bobolari, buvilari, nevaralari, shuningdek erining (xotinining) ota-onasi – yaqin qarindoshlar ekani belgilangan.
✅ Shunday ekan, qaynota tomonidan kelinga sovg‘a qilingan uy-joy kelinning daromadlari bo‘lsa-da (SK 376-m), lekin bu daromad soliqdan ozod qilinadi.
❗️Shunga ko‘ra siz bu vaziyatda tuman adliya bo‘limiga soliq organi xodimlarining harakatlari ustidan shikoyat qilishingiz mumkin
