Majburiy avtosug‘urta tariflari oshishi mumkin
Istiqbolli loyihalar milliy agentligi tomonidan transport vositalari egalarining fuqarolik javobgarligini majburiy sug‘urta qilish bo‘yicha sug‘urta tarifi miqdorini qayta ko‘rib chiqish rejalashtirilmoqda
Regulyatorga ko‘ra, “so‘ngi yillarda sug‘urta tashkilotlari tomonidan sug‘urta tovonlarini o‘z vaqtida to‘lanmayotganligi hamda to‘lanishi mumkin bo‘lgan maksimal miqdor avtotransportga yetkazilgan zararlarni qoplashga yetarli bo‘lmayotganligi yuzasidan shikoyatlar soni ortib bormoqda…
Masalan, 2019 yilda tasdiqlangan 56 ming so‘mlik sug‘urta mukofoti miqdori sug‘urta tashkilotlari uchun zararlarni qoplashga yetarli bo‘lmayapti. Shu sababli to‘lovlar kechiktirib kelinmoqda. 40 mln. so‘m sug‘urta summasi ham zararlar bo‘yicha xarajatlarini yetarli darajada qoplamayapti.
Mazkur muammoni yechimi sifatida asosli hisob-kitoblar natijasida, ya’ni transport vositalari egalari va sug‘urta tashkilotlari uchun maqbul sug‘urta tariflari va sug‘urta summasini belgilash rejalashtirilmoqda.
