Maktabda pulli xizmat tashkil etish uchun qanday hujjatlar talab etiladi?
@Yurist_Xizmati 4538-savol:
Assalomu alaykum! VM 343-sonli qaror bo‘yicha maktabda to‘garak mashhulotlarini boshlamoqchi edim. Lekin nimadan boshlashni qanday hujjat yuritilishini bilmayapman. Amaliy yordam ko‘rsata olasizmi? Tayyorlashim kerak bo‘lgan hujjatlar bilan ta'minlaysizmi?
YURIST JAVOBI:
♂️ Buning uchun ma’lum hujjatlar rasmiylashtirish talabi qat’iy belgilanmagan.
Vazirlar Mahkamasining 2019-yil 22-apreldagi 343-son qaroriga ilovada tasdiqlangan O‘zbekiston Respublikasi Xalq ta’limi vazirligi tizimidagi umumiy o‘rta ta’lim muassasalarida pullik ta’lim xizmatlarini ko‘rsatish tartibi to‘g‘risida”gi nizomga muvofiq maktablarda tashkil etiladigan qo‘shimcha ta’lim berishga qaratilgan pullik ta’lim xizmatlari maktablarning o‘quv dasturlarida nazarda tutilmagan (davlat ta’lim standartlaridan tashqari) mashg‘ulotlar bo‘yicha maktab direktori va o‘quvchilarning ota-onasi yoki ularning o‘rnini bosuvchi shaxslar o‘rtasida tuziladigan shartnoma asosida ko‘rsatiladi.
☝️E’tibor bergan bo‘lsangiz, mazkur xizmat shartnoma asosida ko‘rsatilishi nazarda tutilgan.
✅ Shunday ekan avvalo sizga ota-onalar bilan tuziladigan shartnoma kerak.
Mazkur shartnomada qaysi fanlardan, qanday mashg‘ulotlar, qaysi vaqtda olib borilishi, mashg‘ulolatlarning kunlik va haftalik davomiyligi, shartnoma bahosi va boshqalar ko‘rsatilishi lozim.
Shuningdek, nizomning 5-bandiga ko‘ra sizning yillik rejangizga qo‘shimcha xizmat ko‘rsatish kiritilgan bo‘lishi lozim.
Bunda yillik reja maktablar tomonidan har kalendar yili boshlangunga qadar yuqoridagi nizomga muvofiq ishlab chiqiladi. Bundan tashqari, nizomning 13-bandi asosida siz qo‘shimcha xizmatlar dasturini ishlab chiqishingiz talab etiladi.
Mazkur dasturda qo‘shimcha xizmat qaysi fanlardan tashkil etilishi, unda qanday mavzular bo‘lishi, mavzularning davomiyligi, qo‘shimcha xizmat eng ko‘pi bilan nechta o‘quvchiga ko‘rsatilishi (har bir fan doirasida) va boshqa ma’lumotlar bo‘lishi lozim.
Shuningdek, nizomning 8-bandiga ko‘ra buyurtmachilar tomonidan kelib tushadigan mablag‘lar (lekin 50 foizidan kam bo‘lmagan miqdori) o‘qituvchilarga haq to‘lashga yo‘naltirilishi mumkin.
☝️Bunda qonunchilikda belgilangan soliqlar va yig‘imlar mazkur summadan chegirib olinadi.
