YPX xodimining muomala madaniyatiga ham talablar mavjudmi?
❇️Ha, mavjud, YPX xodimi har qanday vaziyatda yo‘l harakati qatnashchilari bilan vazmin, xushmuomala, odobli va e’tiborli bo‘lishi, ularga hurmat bilan hamda “Siz” deb murojaat qilishi, muomala madaniyati va qonuniylikka rioya qilishi kerak.
Bundan tashqari, YPX xodimi vazifalarini bajarishda quyidagilarga majbur:
vazifalarini mobil videokameradan foydalanib oshkora olib borish;
vizual kuzatuv yoki maxsus moslamalardan foydalangan holda qoidalar buzilganligini aniqlash;
transportni to‘xtatganidan keyin uning oldiga borish, o‘zini tanishtirish, lavozimi, unvoni, familiyasi haqida ma’lumot berish, ko‘krak nishon belgisini ma’lum qilish va xizmat guvohnomasini ochiq holda ko‘rsatish;
haydovchiga mobil videokameradan foydalanayotganini aytish va noqonuniy xatti-harakatlar sodir etsa, aybini isbotlash uchun video yozuvdan foydalanishi mumkinligi haqida ogohlantirish;
to‘xtatish sababi, sodir etilgan huquqbuzarlik yuzasidan aniq, lo‘nda tushuntirish berish;
ma’muriy bayonnoma rasmiylashtirish chog‘ida haydovchiga huquq va majburiyatlarini tushuntirish;
huquqbuzarlikdan yoki baxtsiz hodisalardan jabrlanganlarga yordam ko‘rsatish;
ruxsat etilmagan, sertifikatga ega bo‘lmagan, sertifikatning amal qilish muddati tugagan yoki ichki ishlar organlari hisobida mavjud bo‘lmagan maxsus moslamalardan foydalanmaslik;
qoidalarni buzgan haydovchini maxsus moslamaning ko‘rsatkichlari bilan tanishtirish, uning talabiga ko‘ra moslamaning qiyoslash sertifikatini ko‘rsatish.
✳️YPX xodimiga yo‘llarda xizmatni yashirin olib borish taqiqlanadi.
