Zahiradagi yerni o‘z nomimizga kadastr qilsak bo‘ladimi?
@Yurist_Xizmati 4527-savol:
Assalomu alleykum. Menda qoshimcha bolgan zaxiradagi yerni o‘g‘limning nomiga rasmilashtirmoqchi edim, imkoni bormi yoki yol yorig‘i bormi? Menga shu kadastrdagi zaxira yerni o‘g‘limning nomiga rasmilashtirsam boladimi va qanaqa hujjatlar kerak
YURIST JAVOBI:
❌ Yo‘q, qolgan qismiga nisbatan huquq belgilanmagani bois uni o‘g‘lingiz nomiga o‘tkaza olmaysiz.
Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi qonun 42-moddasida ko‘chmas mulkka bo‘lgan huquqlarni davlat ro‘yxatidan o‘tkazish uchun asos bo‘lgan huquqni belgilovchi hujjatlar mavjud bo‘lmasa ro‘yxatdan o‘tkazuvchi davlat ro‘yxatidan o‘tkazish uchun taqdim etilgan hujjatlarni qabul qilishni rad etishi belgilangan.
❗️Sizdagi vaziyatda ham yer uchastkasini kadastr qildirish uchun unga nisbatan sizda huquq mavjud bo‘lishi talab etiladi.
Qarang! ushbu qonun 31-moddasiga muvofiq 1998-yilning 1-iyulidan 2021-yilning 1-avgustiga qadar qabul qilingan yer uchastkasiga meros qilib qoldiriladigan umrbod egalik qilish huquqini davlat ro‘yxatidan o‘tkazish uchun — mahalliy davlat hokimiyati organlarining yer uchastkasini berish haqida o‘z vakolatlari doirasida qabul qilingan qarorlari, notarial tasdiqlangan meros qilib olish huquqi to‘g‘risidagi guvohnoma, ushbu huquqning auksionda sotib olinganligiga asosan tuman (shahar) hokimi tomonidan berilgan davlat orderi yer uchastkasiga bo‘lgan huquqlarni belgilovchi hujjatlar hisoblanadi.
♂️ Sizdagi vaziyatda mazkur hujjatlardan biri mavjud bo‘lmasa, unda bu yerni kadastr qildirish mumkin bo‘lmaydi.
Bu vaziyatda Qishloq xo‘jaligiga mo‘ljallanmagan yer uchastkalarini xususiylashtirish to‘g‘risidagi qonunining 14-moddasida ko‘ra yer uchastkalarini xususiylashtirish yer uchastkalarini onlayn auksion orqali sotib olish yo‘li bilan amalga oshirilishi mumkinligi ta’kidlangan. Siz shu yo‘l bilan unga nisbatan mulk huquqini qo‘lga kiritishingiz mumkin.
Tartibi qanday?
Siz tuman (shahar) hokimiyatiga shu bobongizdan yerni xususiylashtirish bo‘yicha murojaat qilishingiz ya’ni hokimiyatdan shu yer uchastkasini buyurtmachi sifatida auksionga quyishini so‘rab murojaat qilishingiz kerak.
Hokimiyat esa uni shartli chegaralarini belgilab, davlat kadastrlik palatasining tuman (shahar) filialiga yuboradi.
Filial esa yer uchastkasi haqiqatan ham bo‘sh yer ekanligi yoki taqiq bor-yo‘qligini aniqlab yana qaytarib hokimiyatga yuboradi. Hokimiyat esa uni davlat kadastrlik palatasining hududiy (viloyat) boshqarmasiga yuboradi. Boshqarma esa uni "Yerelektron " ATT ga kirgizadi.
♂️ Yana bir necha bosqichlardan so‘ng yer uchastkasi auksionga qo‘yiladi, shunda siz yutib olib, yer uchastkasini mulk huquqi asosida qo‘lga kiritishingiz mumkin.
