Maktablarda telefonlarni saqlash bo‘yicha maxsus qutilar tashkil etilishi to‘g‘rimi?
@Yurist_Xizmati 4513-savol:
Assalomu aleykum. Bizining maktabda shunaqa shkaflar qo‘yildi. Har kuni o‘quvchilarning telefoni o‘zining roziligisiz yig‘ib olinib dars tugagandan keyin berilyabdi. Sinfimizda online o‘qiydiganlar bor bular telefonsiz darsliklarni ko‘rolmayabdi, kimlargadr lug‘at kerak bu ham bo‘lmayabdi telefonsiz. Bu shkafda o‘qituvchilar uchun ham tokchalar bor uchun, lekin ularning birortasi telefonini qo‘ymaydi. Bu xolat bo‘yicha nima deya olasiz, bu qonunga nisbatan qanchalik o‘rinli va qanday chora ko‘rsak telefonlarimizni olib qo‘yishmaydi.
YURIST JAVOBI:
Vazirlar Mahkamasining 2012-yil 21 maydagi 139-son qaroriga ilovada tasdiqlangan O‘zbekiston Respublikasi ta’lim muassasalarida mobil telefonlardan foydalanish tartibi to‘g‘risidagi Nizom 7-bandiga asosan Ta’lim muassasalarida o‘tkaziladigan o‘quv mashg‘ulotlari va tadbirlar (saflanish, tarbiyaviy soatlar, bayram, sport tadbirlari va shu kabilar) boshlanishidan oldin ta’lim oluvchilar:
• telefonini o‘chirib qo‘yishi;
• telefonini portfeli, sumkasi va shu kabilarga solib qo‘yishi shart.
♂️ Bunda nizomning 14-bandiga binoan yuqoridagi qoidalar buzilgan taqdirda ta’lim muassasasining har qanday pedagog xodimi ta’lim oluvchidan telefonni olib qo‘yish huquqiga ega.
Maktabgacha va maktab ta’limi vazirining 2023-yil 31-avgustdagi 282-son buyrug‘iga 1-ilovada tasdiqlangan Umumiy o‘rta ta’lim muassasasining takomillashtirilgan namunaviy odob-axloq qoidalari 9-bandiga ko‘ra Ta’lim muassasasi hududida har bir ta’lim-tarbiya jarayoni ishtirokchilari hamda tashrif buyuruvchi boshqa fuqarolar shaxsiy mobil aloqa vositalarini ovozsiz holatga keltirishlari, ta’lim muassasalarida ichki imkoniyatlaridan kelib chiqqan holda (maktab foyesi, ma’naviyat xonasi, sinf xonalari va boshqa qulflanadigan joylarda) qulfli qutilar tashkil etilishi, ta’lim muassasasining binosiga kirilganda mobil aloqa vositalarini topshirish va dars jarayonlari tugagandan so‘ng qabul qilib olish tartibini yo‘lga qo‘yish tavsiya etiladi.
❗️Mana shu qoidaga ko‘ra sizlardagi vaziyatda telefonlarni olib qo‘yish bo‘yicha tashkil etilgan chora huquqiy asosga ega.
