Mashinamga gaz ballon o‘rnatsam tex pasport uchun 2.7 mln to‘lov qilamanmi?
@Yurist_Xizmati 4488-savol:
Assalom alaykum men 2023 yil noyabr oyida Damas mashinasini olib davlat ro‘yxatidan o‘tkazganman endi 2024 yil aprel oyida gaz baloni o‘rnatildi qayta tex pasport uchun 2 million 700 ming to‘lov qilamanmi?
YURIST JAVOBI:
O‘zbekiston Respublikasi ichki ishlar vazirining 2011 yil 23 noyabrdagi 174-sonli buyrug‘iga ilovada tasdiqlangan Ro‘yxatdan o‘tkazish davlat raqami belgilarini va qat’iy hisobdagi blankalarni berishda, avtomototransport vositalari, ularning tirkamalari (yarim tirkamalari)ni ro‘yxatdan o‘tkazishda, qayta ro‘yxatdan o‘tkazishda, majburiy texnik ko‘rikdan o‘tkazishda, shuningdek imtihonlarni olishda undiriladigan to‘lovlar Stavkalari 7-1-bandiga ko‘ra elektromobillar, mototransport vositalari va avtotransport vositalari tirkamalaridan boshqa barcha avtotransport vositalarini ro‘yxatdan o‘tkazish va qayta ro‘yxatdan o‘tkazish uchun BHMning 6,84 baravari ya’ni 2 325 600 so‘m to‘lash lozim.
❗️Shunga ko‘ra siz avtotransport vositasiga gaz ballon o‘rnatgandan keyin qayta ro‘yxatdan o‘tkazsangiz, unda BHM 6,84 baravari ya’ni 2 325 600 so‘m miqdorda to‘lov to‘laysiz.
