Men 2 yoshli farzandim bilan chet elga borishim kerak. Yosh bolalarga chet elga chiqish pasportini olish uchun to‘lov miqdori va tartibi qanday?
JAVOB:
▫️ Amaldagi qonunchilikka ko‘ra, voyaga yetmagan fuqarolarga chet elga chiqish biometrik pasportlari quyidagi muddatlarga beriladi:
➖ 1 yoshgacha bo‘lgan bolalarga – 2 yilga,
➖ 1-16 yoshgacha bolalarga – 5 yilga,
➖ 16 yoshdan oshganlarga – 10 yilga muddatga beriladi.
▫️ Xorijga chiqish biometrik pasportini rasmiylashtirganlik uchun, to‘lovlar miqdori:
➖ 16 yoshgacha bolalarga – bazaviy hisoblash miqdorining 80% miqdorida
➖ 16 yoshdan kattalarga – bazaviy hisoblash miqdorining 120% miqdorida.
❗️ Voyaga yetmagan bolalarga xorijga chiqish biometrik pasportini rasmiylashitirish uchun ota-onani yozma roziligi shart.
