Onam 5 mart kuni vafot etdi. Mart oyi pensiyalarini olmagan edilar. Pensiya onam vafot etgan oy uchun to‘lanadimi?
✅ Amaldagi qonunchilik talablariga muvofiq, pensioner vafoti munosabati bilan olinmay qolgan pensiya puli marhum pensionerning ota-onasi, eri (xotini), shuningdek pensioner bilan u vafot etgan kunigacha birgalikda yashab turgan oila a’zolari tomonidan pensioner vafot etganidan so‘ng 60 kun ichida Pensiya jamg‘armasiga murojaat etilgan taqdirda to‘liq miqdorda to‘lab beriladi.
Bunda, fuqaro vafot etgan oy uchun olinmay qolgan pensiya to‘liq oy uchun to‘lab beriladi.
Ya’ni, 5 martda vafot etgan fuqaroning mart oyi uchun to‘liq pensiya miqdori yuqoridagi shaxslarga to‘lab beriladi.
