Direktor xodimni "o‘rta maxsus"san deb ishdan bo‘shatishi mumkinmi?
@Yurist_Xizmati 4473-savol:
Assalomu alaykum. Xurmatli Yurist XIZMATI jamoasi Maktabda ishlaganimga Sal Kam 30 yil buldi, urta maxsusman. Pensiyaga 6 yil koldi. Direktorim Oliy ta’limga ukishga kirmasangiz shartnomani bekor kilaman deyapti,shu tugrimi? Javob uchun oldindan Raxmat
YURIST JAVOBI:
Maktabgacha va maktab ta’limi vazirining 16.08.2023 yildagi 247- sonli buyrug‘iga ko‘ra maktabga pedagog xodimlarni ishga qabul qilishda quyidagi mezonlarga rioya qilish lozim:
Boshlang‘ich sinf o‘qituvchisi lavozimiga - boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatgan mutaxassislar;
Fan o‘qituvchisi lavozimiga - fan yo‘nalishiga to‘g‘ri keluvchi kamida bakalavr darajasidagi oliy pedagogik ma’lumot yoki kamida bakalavr darajasidagi oliy ma’lumot va fan yo‘nalishiga to‘g‘ri keluvchi pedagogik faoliyat yuritish huquqi bilan qayta tayyorlov kursini tugatgan mutaxassislar.
Shuningdek, “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizom (ro‘yxat raqami 3271) 15-bandiga ko‘ra o‘rta maxsus ma’lumotli pedagog xodimlarga ham tarifikatsiya asosida dars berish mumkin.
❗️Shunga ko‘ra direktor sizni o‘rta maxsus ma’lumotli ekanligingiz tufayli ishdan bo‘shata olmaydi. Lekin dars taqsimotida kam dars tegishi mumkin.
