Direktor o‘rinbosari shtati qachon 2 shtat birligi bo‘ladi?
@Yurist_Xizmati 4408-savol:
Assaolmu alaykum, savol bor edi. Maktabimizda o‘quvchilar soni 910 nafar, sinflar soni 30 ta
O‘quv ishlari bo‘yicha direktor o‘rinbosari lavozimida shtat birligi 2 ta Ma’naviy-ma’rifiy ishlar bo‘yicha ham 2 ta shtat birligi berilgan 2023-2024 o‘quv yili oktyabr oyidan maktabda o‘rinbosarlar shtati 2 ta qilib belgilangan va oylik maosh to‘lab kelinmoqda. Hozirgi vaqtga fevral oyiga kelib. shahar MMTB hisobchilari 0,5 shtat birligini qisqartirmoqchi (tarifikatsiyadan o‘tgan) Bu qanchalik to‘g‘ri, aniqlik kiritib bersangiz, Oldindan rahmat
YURIST JAVOBI:
Xalq ta’limi vazirining 2019 yil 28 dekabrdagi 406-sonli buyrug‘ida tasdiqlangan Umumiy urta ta’lim maktablari va ayrim fanlar chuqur o‘rganiladigan ixtisoslashtirilgan maktablar boshqaruv, texnik, xizmat kursatuvchi va o‘quv-yordamchi xodimlarining namunaviy shtatlariga muvofiq maktabda sinflar soni 30 va undan ortiq bo‘lganda:
Direktorning ma’naviy-ma’rifiy ishlari buyicha urinbosari shtati – 1.5;
Direktorning o‘quv ishlari buyicha o‘rinbosari shtat birligi – 1.5 birlikdan iborat bo‘ladi.
Sinf komplektlari yuqori bo‘lgan umumiy o‘rta ta’lim maktablari va ayrim fanlar chukur o‘rganiladigan ixtisoslashtirilgan maktablarda direktorning o‘quv ishlari bo‘yicha o‘rinbosari va direktorning ma’naviy-ma’rifiy ishlar bo‘yicha o‘rinbosari lavozimlari qo‘shimcha ravishda quyidagi miqdorlarda kiritiladi:
➖ 40-49 sinf komplektlari bo‘lganda 0,5 birlikdan;
➖ 50 va undan ortiq sinf komplektlari bo‘lganda 1,0 birlikdan.
✅ Shunga ko‘ra sizlardagi holatda sinflar soni 40taga yetgandagina direktor o‘rinbosari shtat birligi 2 birlikni tashkil etadi.
❗️Shunday ekan sizlarda 30ta sinf bo‘lgani sababli shtatlar birligi 1.5 birlikni tashkil etishi kerak.
