Shunday savol bo‘ldi bizga.
Mehnat kodeksining 174-moddasi mazmuniga ko‘ra mehnat shartnomasi qonunga xilof ravishda bekor qilingan taqdirdagina xodim ishga tiklanadi.
Mehnat shartnomasini bekor qilinganligi haqidagi buyruqdan ko‘chirma berish tadbirlari MK 171-moddada ko‘rsatilgan bo‘lib, bu tadbir mehnat shartnomasi bekor qilinganidan keyingi jarayon, keyingi munosabat hisoblanadi.
Ya’ni, buyruqdan ko‘chirma berish yoki bermaslik mehnat shartnomasini bekor qilish tartibiga kirmaydi.
Shu sababli, buyruqdan ko‘chirma berilmagan bo‘lsada, mehnat shartnomasini bekor qilish haqidagi buyruq chiqarishda hech qanday qonunbuzarlik bo‘lmasa, xodim ishga tiklanmaydi.
Buyruqdan ko‘chirma berilmaganligi bu mehnat sohasidagi qonunbuzilishi hisoblanib, buning uchun ish beruvchiga nisbatan MJtKning 49-moddasiga asosan ma’muriy jarimaga sabab bo‘ladi.
Buyruq berilmaganligi oqibatida xodimga zarar yetgan bo‘lsa, xodimga ish beruvchidan o‘sha zarar undirib berilishi mumkin (FK 14 va 985-moddalari).
Lekin buyruqdan ko‘chirma berilmaganligi xodimni ishga tiklashga asos bo‘lmaydi.
