Sayyohlik agentligi ochmoqchiman, maktab o‘quvchilarini ekskursiyaga olib yurish tartibi qanday?
@Yurist_Xizmati 4496-savol:
Assalomu aleykum! Men sayyoxlik agentligi ochmokchiman. Faoliyatimiz maktab ukuvchilarni madaniy xordik joylarga olib borish( teatirga, viloyatlarga, zavodlarga). Biz kupincha avtobusda maktab ukuvchilarni olib yuramiz. Maktab ukuvchilarni olib yurish tartib va konunlari kanday(xalk ta’limiga yozish, gai xodimlaridan ruxsat, avtobus texnik kurik)?
YURIST JAVOBI:
Vazirlar Mahkamasining 2003-yil 4-noyabrdagi 482-son qaroriga 1-ilovada tasdiqlangan Avtomobil transportida yo‘lovchilar va bagajni tashish Qoidalari 93-bandiga ko‘ra bolalarni tashishni tashkil etishga buyurtmanomalar tashuvchilar tomonidan guruhlarni o‘qituvchilarning yoki maxsus belgilangan katta yoshdagi kishilarning (bitta katta yoshdagi kishiga 15 boladan ko‘p bo‘lmagan) kuzatib borishi shartlari bajarilganda qabul qilinadi.
❗️Bunda maktab yoshidagi bolalar guruhlarini tashishda ularga hamrohlik qilish uchun tibbiyot xodimlari ajratiladi. Demak, sizdagi vaziyatda ham bolalarni tashishda mazkur tartibda rioya qilish lozim.
Endi qarang! Yuqoridagi qarorga 2-ilovada tasdiqlangan O‘zbekiston Respublikasida avtobuslarda yo‘lovchilar tashish xavfsizligini ta’minlashga doir Talablari 40-bandiga ko‘ra ta’lim muassasasi ma’muriyati (tashkilotchi) tashuvchi bilan shartnoma tuzilganidan keyin jo‘nab ketish sanasigacha uch ish kunidan kechikmay harakatlanish sanasi va qatnov yo‘lini, shuningdek, barcha yo‘lovchilar ro‘yxatini, avtobuslar to‘g‘risidagi (mansubliligi, markasi, davlat ro‘yxatdan o‘tkazish raqami belgisi) to‘g‘risidagi ma’lumotlarni ko‘rsatgan holda hamrohlikni tashkil etish uchun buyurtmanomani O‘zbekiston Respublikasi Ichki ishlar vazirligining Yo‘l harakati xavfsizligi davlat xizmatiga kiritadi.
☝️Mana shu qoidaga ko‘ra siz bilan shartnoma tuzgandan keyin maktab rahbariyati yuqoridagi harakatni amalga oshirishi kerak bo‘ladi.
Bunda O‘zbekiston Respublikasi Ichki ishlar vazirligining Yo‘l harakati xavfsizligi davlat xizmati tomonidan boriladigan qatnov yo‘lida ob-havo yoki yo‘l sharoitlarining nomuvofiqligi, shu jumladan, borish punktiga harakatlanishda cheklanishlar mavjudligi, shuningdek, transport vositalari va haydovchilar malakasining yo‘l harakati xavfsizligi talablariga nomuvofiqligi holatlarida hamrohlik qilish rad etilishi haqida qaror qabul qilinishi mumkin.
✅ DYXX ijobiy xulosa bergan taqdirda alohida kuzatuvchi ajratadi. Shundan so‘ng bolalarni ekskursiyaga olib borish mumkin bo‘ladi.
