76 ko'rilgan
Milliy gvardiya maktabning ichki ishlariga aralashishga haqqi bormi?

@Yurist_Xizmati 4448-savol:

Savol, Men maktab direktoriman, Milliy gvardiyadan davomad olgani vakil keldi,birga o‘quvchilar davomadni aylandik,8:15 jami 347 nafar o‘quvchidan 13 nafar o‘z vaqtida yetib kelmadi,shundan 5 nafar kech qolgan chunki Marvarid ko‘chasi maktabdan 2-3 klm uzoqlikda,haqiqiy kelmagan o‘quvchi 8 nafar bo‘lib,4 nafari sababli 4 nafari sababsiz bo‘lgan,davodni Milliy gvardiya hodimlari bilan aylanganimda bir nafar o‘qituvchi kelmagan o‘quvchilarga baxo qo‘yib qo‘ygan,undan o‘rnida tushuntirish xatini olganman,ushbu xolat bo‘yicha Milliy gvardiya dalolatnoma tuzib taqdimnoma chiqargan viloyatga,men o‘sha kuni o‘zidayoq MFY raisiga kelmagan o‘quvchilar bilan shug‘ullanish bo‘yicha ro‘yxat chiqarganman,bir nusxa oldim deb u xam tasdiqlagan,o‘sha kuni kelmagan o‘quvchilari uchun barcha sinf raxbarlardan tushuntirish xatini olganman,va ularga ogohlantirish berdim,22 h fevral kuni hokimni videoselektr yig‘ilishida Milliy gvardiya taqdimnomasi tufayli meni ishdan ozod etishmoqchi bo‘lishyapdi,shu to‘g‘rimi 3 farzandim bor,8 oylik chaqalog‘im xam bor, maktabim bilan yashash manzilim o‘rtasida 16 klm masofa xam bor,oldin intizomiy jazo olmaganman,ular davomad tufayli ishdan ozod qilishi to‘g‘rimi,ariza yoz bo‘lmasa dalolatnoma tuzamiz deyishyapti,shu to‘g‘rimi?

YURIST JAVOBI:

Milliy gvardiya maktabdagi davomad yuzasidan jazolovchi emas, yordam beruvchi funksiyani amalga oshirishi kerak.

Maktabgacha va maktab ta’limi vazirligi matbuot kotibi Dilfuza Sobirovaning so‘zlariga ko‘ra Maktab vazirligi va Milliy gvardiya mas’ul xodimlaridan iborat ishchi guruh a’zolari o‘quvchilarning davomat masalasini “ota-onalar va mahalla faollari bilan hamkorlikda tashkil etish bo‘yicha” o‘rganish olib borayotganini qayd etgan.

‍♂️ Milliy gravdiya davomadni yaxshilashga harakat qilishi, bunda maktabning ichki ishlariga aralashi mumkin bo‘lmaydi.

Pedagogning maqomi to‘g‘risidagi qonun 5-moddasida
pedagogning kasbiy faoliyatiga aralashish, uning faoliyatini asossiz ravishda tekshirish, pedagog tomonidan ta’lim oluvchilarning bilimlarini to‘g‘ri va xolis baholashga ta’sir ko‘rsatish, shuningdek unga o‘z xizmat majburiyatlarini bajarishga to‘sqinlik qilish taqiqlanishi qayd etilgan.

Bu haqida Dilfuza Sobirova ham alohida ta’kidlab, Maktabgacha va maktab ta’limi vazirligi tizimidagi maktab o‘qituvchilari va xodimlarining ishga kelib-ketishi yoki boshqa mehnat majburiyatlariga amal qilish jarayonlari vazirlik va uning hududiy bo‘linmalari tomonidan tartibga solinadi. Pedagoglar faoliyati boshqa tashkilotlar tomonidan nazorat qilinishini aytib o‘tgan.

Shuningdek, mazkur masalada Milliy gvardiya matbuot xizmati ham fikr bildirib, Milliy gvardiyaning vazifasi bolalar va ota-onalar bilan maqsadli, shu jumladan, psixologik ish olib borish, “oila — mahalla — maktab” zanjiridagi barcha bo‘g‘inlarning sa’y-harakatlarini birlashtirish” ekanni qayd etilgan.

Shu bilan birga, Milliy gvardiyaning xabarida “Davomatni nazorat qilish orqali Milliy gvardiya bolalarning maktabga bormaslik sabablarini aniqlaydi va mavjud muammolarni bartaraf etish uchun bu haqda tegishli tuzilmalarni xabardor qiladi” deyilgan.

❌ Bundan ko‘rinib turibdiki, gvardiya xodimlari jazolash, maktabning ichki ishlariga aralashish, maktab rahbariyatiga yoki pedagog xodimlarga bosim o‘tkazishga haqli emas.
 
Direktorni ishdan olish masalasiga kelsak, bunday vakolat faqat ish beruvchida mavjud. Mehnat kodeksining 313-moddasida intizomiy jazo choralari ishga qabul qilish huquqi berilgan shaxslar (organlar) tomonidan qo‘llanilishi belgilab qo‘yilgan.

❗️Mana shu qoidaga muvofiq, Milliy gvardiya xodimlarining hokimlikka taqdimnoma kiritishi biror huquqiy oqibat keltirib chiqarmaydi. Yuqorida aytilganidek, hokimning maktab direktorini ishdan bo‘shatish vakolati mavjud emas.
Bu mavzu Sud va huquqiy maslaxatlatlar bo'limida 26 Mart da maqola yozgan. | 76 ko'rilgan