Endi maktabda davomatni "Milliy gvardiya" nazorat qiladimi? O‘quvchi darsga bormasdan kurslarga borsa, ota-onaga jarima yoziladimi?
@Yurist_Xizmati 4379-savol:
Man hozirda o‘quv markazi ochganman va o‘zim ham o‘sha markazda ingliz tilidan dars beraman. Eshitishimcha maktab o‘quvchilarining maktabdagi davomatini milliy gvardiya xodimlari tekshirib, agar oquvchi dars paytida maktabga bormastan oquv markazlariga kurslarga borib yurgan bo‘lsa, o‘sha markazga shtraf qoyishiyabdi ekan. Bu qanchalik qonuniy? Men endi har bir oquvchidan qaysi paytda maktabda oqishini sorab yurushim kerakmi?
YURIST JAVOBI:
❗️Ha shunday milliy gvardiya davomatni nazorat qiladi.
Lekin bu maktabda bo‘lmagan o‘quvchilarning ota-onasiga nisbatan jarima qo‘llanilishiga asos bo‘ladi, o‘quv markaziga emas.
Agar o‘quvchi dars vaqtida maktabda dars mashg‘ulotlarida qatnashmayotgani aniqlansa, bunday holatda ota-onaga Ma’muriy javobgarlik to‘g‘risidagi kodeks 47-modddasi ikkinchi qismi bilan javobgarlik chorasi qo‘llaniladi.
Ya’ni Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa:
bazaviy hisoblash miqdorining 5 baravaridan 10 baravarigacha miqdorda jarima solishga sabab bo‘ladi.
Sizning “Men endi har bir o‘quvchidan qaysi paytda maktabda o‘qishini so‘rab yurishim kerakmi?” degan savolingiz noo‘rin. Sababi maktablarda darslar kunduzgi shaklda tashkil etiladi va bunda dars vaqti o‘zgaruvchan emas, aniq mezon asosida dars jadvalida har bir chorakda belgilanadi.
Sizning bunday majburiyatingiz yo‘q, lekin o‘quv markazi bo‘ladimi boshqami, ular o‘quvchilarni maktabdan tashqari bo‘sh vaqtida tashkil etilishi kerak.
