ICHKI ISHLAR XODIMINI BO‘SHATISHGA KASABA UYUSHMASI ROZILIGI OLINADIMI?
SAVOL.
Assalomu alaykum! Men 2018 yil sentyabr oyida IIB yong‘in xavfsizligi xizmatidan xizmat tekshiruviga asosan ishdan bo‘shatilganman. Meni ishdan bo‘shatishda Kasaba uyushmasi qo‘mitasi roziligi olinadimi yoki yo‘qmi?
JAVOB.
Fikrimcha, olinmaydi. Prezidentning 2017 yil 29 noyabrdagi PQ-3413-sonli qarori bilan tasdiqlangan “Ichki ishlar organlarida xizmatni o‘tash tartibi to‘g‘risida"gi nizomda ichki ishlar organlari tizimida xizmatni o‘tash va xizmatdan ozod etish tartibi belgilangan.
Mazkur Nizomda ichki ishlar organlari xodimlarini intizomiy jazo sifatida, shu jumladan, xizmat tekshiruvi natijasiga ko‘ra rahbariyat tashabbusi bilan xizmatdan bo‘shatishda kasaba uyushmasi qo‘mitasi roziligi haqida talab yo‘q.
O‘sha vaqtdagi eski Mehnat kodeksining 101-moddasida mehnat shartnomasini ish beruvchi tashabbusiga ko‘ra bekor qilishdan oldin kasaba uyushmasi qo‘mitasi roziligi agar bu jamoa shartnomasi yoki jamoa kelishuvida ko‘rsatilgan bo‘lsa olinadi.
Bilishimcha, joylardagi ichki ishlar organlarining jamoa shartnomasida ichki ishlar organlarining xizmatdagi xodimlarini xizmatdan bo‘shatishda kasaba uyushmasi qo‘mitasi roziligini olish nazarda tutilmagan.
