O‘quvchilarni sigaret chakkani uchun chora ko‘rgan o‘qituvchi aybdormi?
@Yurist_Xizmati 4421-savol:
Sizdan iltimos bir muammoni yechishga yordam bering, maktabda o‘qituvchi bo‘lib ishlayman, 8-fevral kuni maktab ko‘chadida edim bir notanish kishi shu maktabda ishlaysizmi bir to‘da o‘quvchilar sigaret chekib turibdi dedi, men aytilgan joyga bordim, bizni maktab o‘quvchilari ekan, o‘sha sinfga darsga kirmaganim uchun ularni ism sharifini bilmayman, sifaret chekkanini ko‘rmadim, yonimdan o‘tganda hidi keldi, sizlar sigaret chekib kelayapsizmi deb ogohlantirdim, dars vaqti bo‘lgani uchun sinf rahbariga telefon qilib aytdim, sinf rahbari ularni uchastkavoyga aytib tartibga chaqirdi, o‘quvchilar aybini bo‘yniga oldi va jarima belgilandi, shu o‘quvchilardan birining onasi portalga yozib bizni tinch qo‘ymayapti, o‘g‘limga tuxmat qilding deb, biz o‘qituvchilik vazifamizni bajardikku, sizdan iltimos yordam bering
YURIST JAVOBI:
Portalga yozsa nima qilibdi. Siz biron bir noqoqnuniy harakat qilganingiz yo‘q-ku. O‘quvchining o‘zi ham tan olibdi-ku. Bu safardan keyin shunday holatlar uchun o‘quvchining o‘zidan ham tushuntirish xati olinglar. Aybiga iqrorligini qog‘ozga o‘z so‘zi bilan muhrlab qo‘yinglar. Sizni tuxmat qilgan deb yozibdi. Ichki ishlar inspektori ham shunchaki gapga qarab jarima qo‘llamasa kerak. Tekshirib aniqlab keyin jarima qo‘llaydi.
✅ Mana shunday ota-onalarning noroziligi yuzaga kelmasligi uchun ular bilan hamkorlikda harakat qilish kerak.
Vazirlar Mahkamasining 2022-yil 3-oktabrdagi 558-son qarori bilan tasdiqlangan "Umumiy o‘rta ta’lim muassasalarida ma’naviy-ma’rifiy hamda tarbiyaviy ishlar samaradorligini oshirish KONSEPSIYASI"ning 10-bandiga muvofiq o‘quvchilarning yosh psixologiyasiga bog‘liq fe’l-atvori hamda ruhiy olamidagi salbiy o‘zgarishlarni oila va maktab jamoasi bilan hamkorlikda bartaraf etish bo‘yicha tizimli ishlarni amalga oshirish kerak.
