Buxgalter oy o‘rtasida avans to‘lamay bahona qilib yursa, qanday chora ko‘rish mumkin?
@Yurist_Xizmati 4466-savol:
Assalamu alekum! Men Tuman Tibbiyot Birlashmasida navbatchi shifokor bo‘lib ishlayman. Savolim: Oy o‘rtasidagi avans to‘lovi to‘lash tartibi qanday bo‘ladi? Men har safar avans tashlashlari uchun starshi bilan bugalterga iltimos qilishim kerak bugalter kech qoldiz avvalroq eslatishiz kerak edi yoki esimdan chiqibdi deydi bir tashlasa 2 3 oy yana boxona qilib tashlamaydi. Hozir 2 oydan buyon bo‘ldi 100% tashlayman deb avans uchun moliya pul ajratmadi deyapti. Lekin shu tumandagi boshqa poleklinika xodimlariga 100% tashlagan. Shunday bo‘lishi mumkinmi? Meni oyni o‘rtasi va oxirida to‘lovlarim bor, avansni regulyar xar oy tashlab borishi uchun nima qilishim kerak javob uchun oldindan raxmat!
YURIST JAVOBI:
❗️Avans sizning talabingiz bo‘lganda to‘lanadigan va bunday talab qo‘ymaganingizda to‘lanmaydigan to‘lov emas. Aksincha buning aksi bo‘lishi kerak.
Qarang! Mehnat kodeksining 253-moddasi birinchi qismida xodimlarga ish haqi to‘lash muddatlari jamoa shartnomasida yoki ichki hujjatda, ular mavjud bo‘lmaganda esa mehnat shartnomasida shart qilib ko‘rsatilgan muddatlarda belgilanadi va har yarim oyda bir martadan kam bo‘lishi mumkin emasligi belgilanmoqda.
☝️Bu qoidaning o‘zi ish haqi 1 oyda 2 qismga bo‘lib to‘lanishini ifoda etmoqda. Qoidaga ko‘ra ish haqi har yarim oyda (qoida tariqasida har 15 kunda) 1 marta to‘lanishi shart.
Ushbu normaning davomida aynan biz aytgan tushuntirish berilmoqda. Ya’ni xodimlarga oylik ish haqi, qoida tariqasida, o‘n olti kundan ko‘p bo‘lmagan tanaffus bilan ikki qismga bo‘lingan holda (bo‘nakda va qolgan qismi miqdorida) to‘lanadi.
❗️Bu holatda siz tuman adliya bo‘limiga buxgalterning harakatlari ustidan shikoyat qilishingiz mumkin.
