DIRЕKTOR VAZIFASINI BAJARGANLIK UCHUN HAQ TO‘LANADIMI?
DIRЕKTOR O‘RINBOSARI MMIBDO lavozimida ishlap kelmokdaman.
Assalauma aleykum yaxshimisiz menga Direktori Vazipasin vaktincha bajarip keliyapman 2023-yil 08-noyabrdan bashlap koshimcha yuklangan, beri yekala lavozimni xam koship ishlap keliyapman direktoring vazipasiga menga xak tulashmay keliyapti.?
Rayonamiz tolanmaydi dep aytib otir.
JAVOB:
"Xalq ta’limi xodimlari mehnatiga haq to‘lashning takomillashtirilgan tizimini tasdiqlash to‘g‘risida"gi Vazirlar Mahkamasining 21.12.2005 yildagi 275-son qarori, 18-bandiga ko‘ra, Alohida hollarda xalq ta’limi muassasalarida xodimning roziligi bilan kasblar (lavozimlar)ni birga qo‘shib olib borishga, shuningdek o‘zining asosiy ishi bilan birgalikda ishda vaqtincha bo‘lmagan xodimlarning vazifalarini bajarishga yo‘l qo‘yiladi. Bunda lavozimlarni birga qo‘shib olib borish bo‘yicha ish vaqtining jami davom etishi mazkur Nizomning 15-bandida nazarda tutilgan jami ish vaqtining 50 foizidan, ya’ni yil mobaynida 774 soatdan ortiq bo‘lishi mumkin emas.
Shuningdek, Mehnat kodeksining 259-moddasida Vaqtincha yo‘q bo‘lgan xodimning majburiyatlarini bajarish vazifasi uning shtatdagi o‘rinbosari zimmasiga asosiy ishdan ozod etilmagan holda yuklatilganda qo‘shimcha to‘lov amalga oshirilmasligi belgilangan. Demak, sizga yuklatilgan vazifa uchun haq to‘lanmaydi.
