NOTO‘G‘RI TAYINLANGAN USTAMANI XODIM QAYTARIB TO‘LAYDIMI
✳️ Savol: VMQ 823-sonli qaror buyicha quyilgan ball belgilangan foizni bermasa o‘qituvchiga quyilgan ortiqcha ustama qayta tulovga quyiladimi?
✅ Javob: Mehnat kodeksi 269-moddasining 4-qismi:
"Xodimga ortiqcha to‘langan ish haqi (shu jumladan mehnat to‘g‘risidagi qonunchilik yoki mehnat haqidagi boshqa huquqiy hujjatlar noto‘g‘ri qo‘llanilganda) undan undirilishi mumkin emas, bundan quyidagi hollar mustasno:
hisoblashdagi xatolik;
agar yakka tartibdagi mehnat nizolarini ko‘rib chiquvchi organ tomonidan xodimning mehnat normalarini bajarmaganlikdagi aybi e’tirof etilgan bo‘lsa;
xodimning sud tomonidan belgilangan g‘ayriqonuniy harakatlari (harakatsizligi) sababli xodimga ortiqcha ish haqi to‘langan bo‘lsa."
Demak, xodimga ish beruvchining aybi bilan normativ-huquqiy hujjatlarni noto‘g‘ri qo‘llab to‘langan ustama xodim tomonidan qaytarib to‘lanmaydi.
