18 ko'rilgan
Hisobchi oyliklarni noto‘g‘ri yozib yuborishi JK-167 bilan jinoyat ishi ochilishiga sabab bo‘ladimi?

@Yurist_Xizmati 4582-savol:

Ish xakidan xodimlarga ortikcha ish xaki ish xaki xisobchisi tomonidan tulab yuborilgan 16 xolatda 30 million atrofida tekshiruv davrida aniklandi va xodimlar ortikcha tulangan ish xaki uzlari kaytardi. Shu xolat jinoyat xisoblanib bosh xisobchini 167 moddaga  tortishi mumkinmi?

YURIST JAVOBI:

✅ Agar bu harakat bosh hisobchining aybli harakatlari natijasida bo‘lsa, ha mumkin.

Jinoyat kodeksining 167-moddasida aybdorga ishonib topshirilgan yoki uning ixtiyorida bo‘lgan o‘zganing mulkini o‘zlashtirish yoki rastrata qilish yo‘li bilan talon-toroj qilish jinoyati uchun jazo choralari belgilangan.

Agar bu jinoyat mansab mavqeyini suiiste’mol qilish yo‘li bilan sodir etilgan bo‘lsa, unga nisbatan:
 bazaviy hisoblash miqdorining 100 baravaridan 300 baravarigacha miqdorda jarima
  yoki to‘rt yuz sakson soatgacha majburiy jamoat ishlari
  yoki ikki yilgacha axloq tuzatish ishlari
  yoxud ikki yildan besh yilgacha ozodlikni cheklash
  yoki besh yilgacha ozodlikdan mahrum qilish bilan jazolanadi.

❕Shuni ham aytish kerakki, bunda etkazilgan moddiy zararning o‘rni qoplangan taqdirda ozodlikni cheklash va ozodlikdan mahrum qilish tariqasidagi jazo qo‘llanilmaydi.

Oliy sudi Plenumining 1998-yil 17-apreldagi 11-sonli “Iqtisodiyot sohasidagi jinoiy ishlar bo‘yicha sud amaliyotida yuzaga kelgan ayrim masalalar to‘g‘risida”gi qarorining 3-bandiga ko‘ra mansab vazifalari yoxud shartnomaviy munosabatlarga ko‘ra, o‘zganing mulkini tasarruf qilish, boshqarish, yetkazib berish yoki saqlash bo‘yicha qonuniy vakolatlarni amalga oshiruvchi shaxsning mazkur mulkni qonunga xilof ravishda tekinga o‘zining mulkiga yoki boshqa shaxsning mulkiga aylantirishi aybdorga ishonib topshirilgan yoki uning ixtiyorida bo‘lgan o‘zganing mulkini o‘zlashtirish yoki rastrata qilish deb (JKning 167-moddasi) tavsiflanishi lozim.

❗️Shunga ko‘ra bosh hisobchining harakatlarida yuqoridagi jinoyat alomatlari mavjud bo‘lsa, unga nisbatan JK 167-moddasi bilan jinoyat ishi ochilishi mumkin.
Bu mavzu Turli maslahatlar bo'limida 06 Iyun da maqola yozgan. | 18 ko'rilgan