Vazirlik va idoralar, agentliklar, qo‘mitalar va hokimliklar – bir so‘z bilan aytganda, xizmat avtomashinasi biriktiriladigan amaldorlar uchun “tonirovka”ga ruxsat olish va avtomashina oynalarini qoraytirish pulli tarzda amalga oshiriladi.
Lekin qaysi mablag‘lardan? Keling, shu o‘rinda amaldorlarning xizmat avtomobillari narxlari borasida ham o‘rtoqlashsam.
Vazirlar, davlat qo‘mitalari rahbarlari, viloyatlar va Toshkent shahar hokimlariga biriktiriladigan xizmat avtotransportining eng yuqori narxi — BHMning 2000 baravari (490 mln so‘m)dan;
Ularning o‘rinbosarlari xizmat avtotransportining eng yuqori narxi — 1500 baravari (367 mln 500 ming so‘m)dan;
Tuman va shahar hokimlari xizmat avtotransportining eng yuqori narxi — BHMning 1000 baravari (245 mln so‘m)dan;
Davlat boshqaruvi organlarining Qoraqalpog‘iston Respublikasi, viloyatlar, Toshkent shahar bo‘linmalari rahbarlari, shuningdek, tuman, shahar hokimi o‘rinbosarlari xizmat avtotransporti narxi — BHMning 700 baravari (171 mln 500 ming so‘m)dan oshmasligi belgilangan.
Ushbu avtomashinalarini sotib olish uchun davlat budjetidan mablag‘ ajratiladi. “Tonirovka” uchun qayerdan?
Yuqoridagi narxlarni ko‘rib "tonirovka" hech narsa ekan deb o‘ylagandirsiz.
Budjet puli, bu — xalqning puli. Bu xalqqa borishi kerak, qandaydir amaldorlarning cho‘ntagini to‘ldirishi kerak emas.
