#Farzand
Farzandingiz ismi qisqartirib aytilishiga o'zingiz sabab bo'lasiz. Agar o'zingiz to'liq aytsangiz, hatto ismi Muhammadsayidzulfiqorbek bo'lsa ham to'liq aytadilar.
Kimdir farzandingiz ismini qisqartirib aytsa, to'liq aytishini talab qiling, bundan xijolat bo'lmang. Uning o'ziga ham buni o'rgating. Ismi buzib aytilishiga o'rganib qolinsa, farzandingiz kelajakda bundan uyalishi ham mumkin.
O'zimdan misol keltirishimga ijozat bergaysiz, qizimning ismi Odinaxon. Tug'ilishidan oldin ustoz Odinaxon Muhammad Sodiqga havas qilib shu ismni tanlagan edim. Ismini qo'ygan zahotim "Ismi to'liq aytiladi, hech kim Odina demasin", dedim. Shundan buyon ismi to'liq aytiladi, alhamdulillah.
Bir qo'shnimizning ismi laqabga aylanib ketgan edi, ota-onasi ham bemalol shunday chaqirar edi. Biz uning ismini to'liq aytib, oilasidagilarga ham buni tavsiya qildik. Yillar o'tishi bilan ko'pchilik uning ismini to'liq aytadigan bo'ldi.
Demak, o'zingizga bog'liq!
