ҒАЗОДАГИ ШЎРЛИК БОЛАЖОН.
Кўзларингдан жола оқдими,
Мадад берар борми тирик жон?!
Қўйнингдаги илон чақдими,
Ғазодаги шўрлик болажон.
Ёмғир эмас,ёғмоқда ўқлар,
Кўкни тутган фиғону оҳлар.
Кўксин ўйган дилдаги доғлар,
Ғазодаги шўрлик болажон.
Ўроғини қайраб ҳар маҳал,
Шай турибди бешафқат ажал.
Отанг қани,онанг энди тул,
Ғазодаги шўрлик болажон.
На виждон бор,на қалбда иймон,
Инсон қиёфасин йўқотган.
Насли шайтон сени йиғлатган,
Ғазодаги шўрлик болажон.
Оломонда - бўлолмайди эл,
Муслим аҳли тарқоқдир азал.
Қурби етмас сўрашга ҳам ҳол,
Ғазодаги шўрлик болажон.
Бир биридан излашиб иллат,
Тинчлик сўзи минбарда фақат.
БМТдан бормикан нажот,
Ғазодаги шўрлик болажон.
