108 ko'rilgan
HAZIL SHE'R

Bir kun bir erka kelin,
Rashk qildi xo'p erini.
Tushurib qoldi er ham
Bilmay nima derini.

-"Xotin, axir tunu kun,
Sizlar uchun ishlasam.
Goho o'zga yurtlarda
Sizlarni deb qishlasam"

Ketdi er xafa bo'lib,
Urdi xotin asabga.
Shatta yegan xotin ham,
To'lib toshdi g'azabga.

"Olib ketaman bundan,
Biling, o'g'il qizimni.
Topa olmaysiz hatto,
Mening bosgan izimni".

Ota uyga keldi qiz,
Qo'shib chatib yomonlab.
Ona qiz yoshin ko'rib,
Turgan edi tusmonlab.

"Onajonim tushuning
Kelar sizga havasim.
Dadamday bo'lsa erim
Chiqmas edi nafasim"

Ona boshin egdiyu
Sekingina xo'rsindi.
Labi biroz pirpirab
Ko'zlariga yosh indi.

Tingla meni jon qizim
Men ham shatta yeganman.
Lekin sizlarga doim,
Yiqilgandim deganman.

Sigir suzdi, deganman,
Ipin uzdi deganman.
Bugun o'ylab qarasam
To'g'ri qilgan ekanman.

Urushsiz uy bo'lmaydi,
Guruch esa kurmaksiz.
Xotin xalqi tushunmas
Nohaqligin urmaksiz.

Kiyov yaxshi jon bolam,
Asabiga tegmagin.
Arazlab kelib bizning
Boshimizni egmagin.

Qiz onasini tinglab,
Hayron bo'ldi, bo'ldi lol.
-"Qizim dunyoda yo'qdir
Eringday jufti halol"

Tezda yig'ishtirildi,
Kelgan kiyimu tugun.
Orqaga surmay darrov
Qaytdi uyga shu bugun.

Eri ishdan kelguncha
Pishirdi tansiq taom.
Kutib oldi jilmayib
Berib bir shirin salom.

Shundan buyon tinchdir uy,
"Sigir" ipin uzmaydi.
Aqlli bo'lsa ayol
Uni "sigir" suzmaydi.
Bu mavzu San'at va madaniy hordiq bo'limida 08 Noy, 23 da maqola yozgan. | 108 ko'rilgan

O'xshash maqolalar bilan tanishing

SHoira Gaybullaeva Bu mavzu Sherlar va hikoyalar bo'limida 24 Dek, 23 da maqola yozgan. | 42 ko'rilgan
SHoira Gaybullaeva Bu mavzu San'at va madaniy hordiq bo'limida 28 Yan da maqola yozgan. | 204 ko'rilgan
Ziyodulla Bu mavzu Sherlar va hikoyalar bo'limida 21 Dek, 23 da maqola yozgan. | 172 ko'rilgan
SHoira Gaybullaeva Bu mavzu San'at va madaniy hordiq bo'limida 11 Noy, 23 da maqola yozgan. | 158 ko'rilgan
SHoira Gaybullaeva Bu mavzu San'at va madaniy hordiq bo'limida 10 Noy, 23 da maqola yozgan. | 121 ko'rilgan